Ndumba 21:8 - Bible azumeina

⁸ Ma didina mi dum ala: Ang yor kawei ma hleuna hle tam d’igi gugui ma ayîna na, ang gabam akulo avun aguna. Sama lara ma guguina mi ed’ema, le mi golomu ni, mba mi sud’a.

Ndumba 21:8 Kruisverwysings

2 Amuleina 18:4

Mi pleî yima ndingâ woyo, mi to ahina d’a tcheta kä woyo, mi kus agu ma murguli ma azi pum malo d’a a yat ala Asera-d’a woyo. Mi kus gugui ma kawei ma hleu ma Moise mi yoroma woi mbambak, kayam tinï ad’ud’a kur atchogoid’a hi Moise-sa dei gak kur atchogoi ndata, Israel-lâ a nga ngalam dubang ma his djivid’ina. Gugui máma a yum ala Nehustan.

Sawal la giled’a 145:8

Ma didina, angî ma sumad’a, angî ma we hohowa sumina; hurung nga mi zal atogo d’i, wani angî ma o manga nga d’i dap puo na mi.

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 30:6

Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Jean 3:14

D’igi Moise mi gap gugui ma a yorom ki kawei ma hleunina akulo hur fulâ na, mbeî a mba gap Gor Sana akulo hina mi,