Ndumba 21:7 - Bible azumeina

⁷ Suma a arâ a i gen Moise, a dum ala: Ami lami tchod’a, kayam ami guruyômi yam Ma didina, kang ang mi. Ang tchen Ma didina, mi yo guguyo ndazina woi atamiya. Moise mi tchen Ma didina yam suma.

Ndumba 21:7 Kruisverwysings

Ad’u Tinda 20:17

Abraham mi tchen Alona; Alona mi sut Abimelek kamamba ki yugunei mama, kayam azi á vud’a.

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

2 Amuleina 13:4

Wani Jowahas mi tchen Ma didina ki hud’a. Ma didina mi humumu, kayam mi wala amul ma Siri-na nga mi kid’eî ir Israel-lâ heî.

Wana ni mbaktumba hi Job-pa 42:10

Bugol la Job mi tchen yam buniyôma tchenda, Ma didina mi hulongôm tinda kur djivi mam mba adjeud’a. Mi hulong mi hum ahlena yam ahle suma mam nga ki sed’ezi adjeu suma a ba woina kam kua mbàmbà.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Sawal la giled’a 106:23

Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.

Sawal la giled’a 78:34

Ata yima Alona mi tchi suma dingâ adigazi woina, suma a arâ a hulongî gevemu, a hulong a mba gevem á halam ki hur ma tuna.

Buzuk ka Abud’a 10:17

Wani ki tchetchemba, agi vad’agi hurugi woi kanu, agi i tchenegi Ma didina Alo magina, ar mi hle ndak ka tcho d’a tchi mat ndata woi kan wü d’a.

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?

Buzuk ka Abud’a 32:30

Tcha ndjivinda Moise mi de mi Israel-lâ ala: Agi lagi tcho d’a ngola. Ki tchetchemba, an nga ni djak gen Ma didina. Dam mam mba mi humunu, mba mi zlup yam tcho magid’a kla.

Buzuk ka Abud’a 8:28

Wani Faron mi b’al hurum kua kiki, mi ar nga Israel-lâ á id’a d’i.

Buzuk ka Abud’a 8:4

Faron mi yï Moise azi ki Aron, mi dazi ala: Agi tchenegi Ma didina kayam mi dik greneûna woi kan ki sum mana; an mba ni ar Israel-lâ a i á hahle suma ngat buzuna mi Ma didina.

Buzuk ka Abud’a 8:8

Moise azi ki Aron a buzuk kei avo hi Faron. Moise mi tchen Ma didina yam greneû ma mam mbam yam Faron-na.

Isai 26:16

Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 37:3

Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Ndumba 11:2

Ablau suma Israel-lâ a nde tchi yam Moise; Moise mi tchen Ma didina kaziya; akud’a ti mit tei mi.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Sunda hi suma a sunuzinid’a 8:24

Simon mi hulong dum ala: Agi tchenegi Salad’a kanu, kayam ahle suma agi dazi wana a mba kan ndi.

Romê-na 10:1

B’oziyona, kur djib’er manda pet, an nga ni tchen Alona kayam Juif-fâ a fe suta.

Gat ta a hat á mbàd’id’a 9:20

Ma didina hurum zal ngola yam Aron kur bur máma gak mi min á tchum mbeyo, wani an tchen yam Aron kur bur máma mi.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

1 Samuel 15:24

Saul mi de mi Samuel ala: An le tchod’a, an tchila yam vun ma hed’a hi Ma didinina ki gat manga, kayam an le mandara azigarâ, an hum zla mazid’a.

1 Samuel 15:30

Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ.