Ndumba 21:34 - Bible azumeina

³⁴ Ma didina mi de mi Moise ala: Ang lum mandaram mbi, kayam an hangziya wa abong ki sum mama kambas mamba pet mi. Ang mba lumî d’igi ang le ki Sihon amul ma Amor ma kak Hesbon-na na.

Ndumba 21:34 Kruisverwysings

2 Samuel 5:19

David mi djop Ma didina ala: An i dur ayîna ki suma Filistê-na zu? Ang mba handji abon ndju? Ma didina mi de mi David ala: Ang iya! An mba ni hangzi abongû.

1 Amuleina 20:13

Wani ma djok vun Alona tu mi mba gen Ahap amul ma Israel-lâ, mi dum ala: Ang gola! Ma didina mi dan ala an dangû: Ang wablaud’a hi azigarâ d’a wanda ko zu? An mba ni hangzi ini abongû. Hina wani, ang mba wala an ni Ma didina!

1 Amuleina 20:28

Wani ma djok vun máma mi mba gen amul ma Israel-lâ kua, mi dum ala: Gola! Ma didina mi sununï ala: Suma Siri-na a dala: Ma didina nalo ma ahinad’a, mi nga nalo ma pid’a’â d’i. Kayam ndata, an nga ni hang azigar suma ablau ndazina pet abongû. Ata yi máma agi mba wagi ala an ni Ma didina.

2 Amuleina 3:18

Wani Elise mi dazi kua ala: Ni vama akid’eina ir Ma didina. Mba mi hagi ambas sa Mowap-pa abogi mi.

Isai 41:13

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.

Ndumba 14:9

Wani agi sogi vuna á kak djangûna ki Ma didina d’i, agi lagi mandara suma kur ambas ndatina d’uo mi, kayam azi mba mbut ni te meina. Ma ndjunuzi nga d’i, wani Ma didina mi nga ki sed’eya. Kayam ndata, agi lazi mandarazi d’i.

Ndumba 32:4

nambas sa Ma didina mi hlat mablaud’a hi Israel-lîd’a, nambasa djivid’a yam d’uwarâ. Wani ami azungeî mangâ, ami nga ki d’uwarâ mi!

Gat ta a hat á mbàd’id’a 2:30

Wani Sihon amul ma Hesbon-na, mi arei nga á kala kur ambas mamba d’i, kayam Ma didina Alo magina mi b’alam hurum ad’enga ngingi, kayambala mi hagizi abogi ini d’igi agi tagi wagi na d’a.

Gat ta a hat á mbàd’id’a 20:3

mi dazi ala: Agi Israel-lâ, agi humugiya, agi mbagiya wa go ini á dur magi suma djangûna. Ar hurugi ka mbina d’i, ar agi lagi mandar ri, ar vunadigagi pat fek ki, ar agi zlagagi avorozi d’uo mi.

Gat ta a hat á mbàd’id’a 3:1

Moise mi dazi kua ala: Ei hulongeî kazigei hlei lovot ta Basan-nda. Ok amul ma Basan-na mi buzugï atei ki azigar mama pet á duri avo Edrei.

Gat ta a hat á mbàd’id’a 3:11

(Ok amul ma Basan-na ni ma mi ar danan ad’u andjafâ hi suma Refa-nina. Azang mam ma kaweina a fumî kur Raba azì ma ngolâ hi suma Amon-nina. Fiyagam kal metred’a fid’i, bubuwam metred’a mbà mi.)

Gat ta a hat á mbàd’id’a 31:6

Agi vagi tagi ad’enga, agi sogi tagiya, agi lagi mandar ri, agi zlagagi avorozi d’uo mi, kayam Ma didina Alo magina tamba nga mi tit ki sed’egiya, mba mi aragi vagi d’i, mba mi aragi woi d’uo mi.

Gat ta a hat á mbàd’id’a 7:17

Moise mi dazi kua ala: Dam agi mba dagi kurugi ala: Andjaf máma mi kalei kablaud’a. Ni nana ba, ei mba digim mbei ge kla.

Gat ta a hat á mbàd’id’a 7:18

Ar agi lazi mandarazi d’i. Agi djib’eregi yam vama Ma didina Alo magina, mi lum ki Faron ki Ezipte-na petna,

Gat ta a hat á mbàd’id’a 7:21

Ar agi zlagagi avorozi d’i, kayam Ma didina Alo magina mi nga adigagiya. NAlo ma ngol ma suma a lum mandarama.

Gat ta a hat á mbàd’id’a 7:24

Mam mba mi hagi amulei mazina abogiya; agi tchazi simiyêzi woi yam andagad’a ka hî. Ma mba mi tchol avorogi tu pî nga d’i gak agi dabazi woyo.

Josue 10:25

Josue mi dazi ala: Agi lagi mandar ri, agi ar vunadigagi pat ti! Agi vagi tagi ad’enga! Agi sogi tagiya! Kayam Ma didina mba mi le ki magi suma djangû suma agi mba duruzina ni hina.

Josue 10:8

Ma didina mi de mi Josue ala: Ang lazi mandarazi d’i! An hangziya wa abong da’. Sama adigazi ma mba mi tchol avorongâ nga d’i.

Josue 8:7

Agi tumugi akulo ata yi magi ma burâ, agi hlagi azì ma ngolâ, kayam Ma didina Alo magina mba mi hagizi abogiya.

Suma ka sariyad’a 11:30

Jefte mi hle vunam mi Ma didina, mi dum ala: Le ang han ad’enga an kus yam suma Amon-na ni,

1 Samuel 23:4

David mi djop Ma didina kua. Ma didina mi hulong dum ala: Ang tchol i Keila, kayam an hang wa suma Filistê-na abongû.