Ndumba 20:8 - Bible azumeina

⁸ Ang hle totogo manga, ang ki wiyengâ Aron agi togogi ablaud’a hi Israel-lîd’a, agi dagi zlad’a mahinad’a irazi kä; mba d’i he mbina. Ang mba buzugï mbina ata ahina ndata, ang mba hum mablaud’a ki d’uwar matna.

Ndumba 20:8 Kruisverwysings

Ad’u Tinda 18:14

Na ni vama hle Ma didina abod’ina nga zu? An hulongî avo hatang dama hina dedege wani, Sara nga ki gorâ abod’u.

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Sawal la giled’a 105:41

Mi mal ir ahinad’a, mbina buzuk keyo, mi djang hur ful ma gangrasâ d’igi aluma na.

Sawal la giled’a 114:8

Mi mbut ahinad’a apod’a, mi mbut ahina d’a ad’enga golong nga laud’a mi.

Sawal la giled’a 33:9

Mi de zlad’a, va máma mi mba; mi he vuna, va máma mi nga mi.

Buzuk ka Abud’a 14:16

Wani ang hle totogo manga, ang hlabong akulo yam alum ma ngolâ, ang walam mbei aduk mbà. Israel-lâ a mba kal kur alum ma ngolâ kasezi sod’a tchitching.

Buzuk ka Abud’a 17:9

Ata yi máma Moise mi de mi Josue ala: Ang man suma, ang nde á dur Amale’â. Ndjivin an mba ni tchol yam ahinad’a akulo ki totogod’a hi Ma didinid’a abonu.

Buzuk ka Abud’a 4:17

Ang hle totogo ndata abongû. Ni ndat ba, ang mba le kahle suma yoyouna.

Buzuk ka Abud’a 4:2

Ma didina mi dum ala: Ni me abong hi ge? Mi hulong dum ala: Ni totogod’a.

Buzuk ka Abud’a 4:20

Moise mi vamamba ki groma, mi tinizi yam korona á hulong yam ambas sa Ezipte-d’a; mi hle totogod’a hAlonid’a abom mi.

Buzuk ka Abud’a 7:20

Moise azi ki Aron a le d’igi Ma didina mi hazi vuna na. Aron mi hle totogod’a akulo, mi wat mbiyo alum ma Nil-lâ kä ir Faron kazungeî mama. Mbiyo alum ma Nil-lâ pet mi mbut buzuna.

Isai 43:20

Hâna karigeta kazurei suma abageina a mba suburunu, kayam an nga ni ge mbina hur fulâ, an nga ni gäluma yam andaga d’a so d’a gangrasa, kayam man suma an manazina a tche mbina kua.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Ndumba 20:11

Moise mi hlabom akulo, mi wat ahinad’a ki totogo mamba yam mbà. Ahinad’a ti buzuk ki mbina djangâ ngola; ablaud’a ki d’uwar matna a tche.

Ndumba 20:7

Ma didina mi de mi Moise ala:

Ndumba 21:15

ki hor ra sulugot kä abo azì ma Ar ma avun haga d’a hi Mowap-pina...

Ndumba 21:18

Golong nga suma nglo suma avok suma a kat ta suma nglona a tchota, a kat ki totogo d’a tamula, a tchot ki dunguru mazina mi.

Matiye 21:21

Jesus mi hulong dazi ala: Gagazi, an nga ni dagiya, le agi nga ki he gagazid’a bei gigrita ni, agi mba lagi ni vama le ki tuluma wana go d’i, wani le agi dagi mahina d’a wanda ala: Ndak pat tak ge tak kur alum ma ngolâ pî ni, mba d’i pat mi.

Wana ni Zla d’a Djivi d’a Luc mi b’irita 11:13

Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Jean 16:24

Avok dei gak ki tchetchemba, agi tchenem nga va ki simiyên ndi. Agi tchenegiya, agi mba fagiya, kayam furî magid’a ti ndak memet.

Sunda hi suma a sunuzinid’a 1:14

Azi pet a nga toka, a nga tchen Alona ki hur ma tuna zlapa karopma ki Marie Jesus asum ki b’oziyoma mi.

Josue 6:20

Suma ngat buzuna a bu aduveina. Ata yima azigarâ a hum tchina haduveinina, a tum sora guguk. Gulumuna mi dris kä, azigar suma Israel-lâ a tchuk avo hur azina, nge nge pî ata yima mi nga vorom kama, a hlazì ma ngolâ.

Josue 6:5

Le agi humugiya wa aduveina tchina ni, azigarâ pet a tum sora ki delezi akulo. Ata yi máma, gulumuna hazì ma ngolîna mba mi dris kä katamu. Azigarâ a mba tchuk krovo, nge nge pî ata yima mi nga vorom kama.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.