Ndumba 20:16 - Bible azumeina

¹⁶ Ami tchimi yam Ma didina. Mi hum tchi mamina, mi sunï malaika mama, mi buzugumï woi kur Ezipte. Gola! Ami nga ka hî Kades kur azì ma ngol ma avun hagad’a handaga mangina.

Ndumba 20:16 Kruisverwysings

Buzuk ka Abud’a 14:10

Kid’a Faron mi mba go ki sed’ezid’a, Israel-lâ a hle irazi akulo, a gol wani, Ezipte-na a nga djï blogoziya! Israel-lâ mandarâ vazi ngola, a nga tchi ki delezi akulo yam Ma didina.

Buzuk ka Abud’a 14:19

Malaikana hAlona ma nga mi tit avok kangâ hi Israel-lîna, mi ge tam mi i blogoziya, d’ugul la tchola gongzong nga nga d’i tit avorozid’a, ti hulong ti tchol blogozi mi. D’ugul ndata ti tchol aduk kangâ hi Ezipte-na ki kangâ hi Israel-lîna,

Buzuk ka Abud’a 23:20

Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima.

Buzuk ka Abud’a 33:2

An mba ni sun malaika mana avorongû, an mba ni dik suma Kanan-na, suma Amor-râ, suma Het-na, suma Peris-sâ, suma Hef-fâ ki suma Jebus-sâ woyo.

Buzuk ka Abud’a 6:5

An hum zam tad’a hi Israel-lîd’a abo magom mba Ezipte-na a nga lazizid’a, an djib’er yam vun man ma djinda.

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

Ndumba 20:15

Abuyomi ngolo a i Ezipte. Ami kagami kua bizad’a ablaud’a, wani Ezipte-na a lami tchod’a kabuyomi ngolo.

Ndumba 21:22

Ang arami lovota ami kalami yam ambas manga. Ami mba d’ezemi woi aduk asinena d’oze aduk guguzlud’a d’i, ami mba tchami mbiyo golonga d’uo mi. Ami mba tid’imi ni kur lovot ta ngola gak ami kalami woi yam ambas manga.

Ndumba 33:37

A tchol Kades, a i ve kangâ yam ahina d’a Hor ra avun dabid’a hambas sa Edom-mba.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

Gat ta a hat á mbàd’id’a 4:37

Mi le yam abuyogi ngolo, mi managi agi andjavazi ma bugolâ. Kayam ndata, mi buzugugï wa woi avo Ezipte ki sib’ik mamba.

Josue 15:1

Andaga d’a a hat djona ki togina mandjafâ hi Juda-na ad’u adezezi ad’u adezezid’a, ti tinï ad’ud’a ni ir haga d’a Edom mba hur ful ma Tisin-na abo ma sutna gak mba avun dabid’a habo ma sutnid’a.