Ndumba 2:2 - Bible azumeina

² Ar Israel-lâ nge nge pî mi ve kang mama go ki drapo mamba ad’u drapod’a hi simiyêmba, a ve kang mazina ngagad’a yam taziya, a ngui zlub’u d’a ngaf tad’a kä d’uhl:

Ndumba 2:2 Kruisverwysings

Sawal la giled’a 74:4

Mang suma djangûna a nga siwel ata yima ang nga tok ki sed’emi kuana, azi pe drapo mazid’a akulo d’igi vama taka na ala azi kus wa da’.

Sawal la giled’a 76:11

Gagazi, ayîna hi sumina mba mi suburungû; suma a prut tei abo ayî mangîna a mba le furîd’a ki sed’engû.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.

Zakari 9:16

Kur bur máma Salad’a Alo mazina mba mi sud’uzi d’igi ma pola mi sut d’uwar mama na, azi mba wile yam ambas mamba d’igi ahina d’a guzut kal tegles sa ata kadamulid’a na.

Ndumba 1:50

Ang hazi sunda hi zlub’u d’a vun ma djinda mi nga kuad’a aboziya, kahle mat suma sunda kahle suma kurutna pet. Azi yo zlub’ud’a kahle suma kurutna pet, azi lat sunut ni aziya, azi nguyut ki kang mazina mi.

Ndumba 10:14

Ades ma dur ayî ma mi tok ad’u drapod’a hi Juda-d’ina, mi tchol id’a avo’î mamu. Ma ngol ma avok suma hi Juda-nina ni Nason Aminadap goroma.

Ndumba 10:18

Ades ma dur ayî ma mi tok ad’u drapod’a hi Ruben-ndina, mi tchol id’a. Ma ngol ma avok suma hi Ruben-nina ni Elisur Sedewur goroma.

Ndumba 10:22

Ades ma dur ayî ma mi tok ad’u drapod’a hi Efraim-mbina, mi tchol id’a. Ma ngol ma avok suma hi Efraim-mina ni Elisama Amihut goroma.

Ndumba 10:25

Ades ma dur ayî ma mi tok ad’u drapod’a hi Dan-ndina, mi tchol id’a bugol kis. Ma ngol ma avok suma hi Dan-nina ni Ahiyezer Amisadai goroma.

Ndumba 2:1

Ma didina mi de mi Moise azi ki Aron ala:

Ndumba 2:10

Ades ma dur ayî ma zlap kades ma dur ayîna hi Ruben-nina mi ve kang mama abo ma sutna hi zlub’ud’ina. Ma ngol ma avok andjafâ hi Ruben-nina ni Elisur Sedewur goroma.

Ndumba 2:3

Ades ma dur ayî ma zlap kades ma dur ayîna hi Juda-nina, mi ve kang mama abo ma yorogona hi zlub’ud’ina. Ma ngol ma avok andjafâ hi Juda-nina ni Nason Aminadap goroma.

Ndumba 24:2

Mi hle iram akulo, mi we Israel-lâ a ve nga kang mazina ad’u andjavazi ad’u andjavaziya. Ata yi máma Muzu’â hAlonina mi kak kamu.

1 Korente-na 14:33

Kayam Alona mi yï ná le batranga d’i, wani mi yï ná kagei ki b’leng nga halasa. D’igi a nga le kur Toka hi suma hAlona d’a lara ge pet na,

1 Korente-na 14:40

Wani ar agi lagi ahlena pet ata lovod’oziya, nata yazi mi.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Kolos-sâ 2:19

kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.

Josue 3:4

Wani agi aragi adigagi d’a ki zandu’îd’a d’igi kilometred’a tu na, agi hud’ugi go ki sed’em mbi. Hina wani, agi mba wagi lovot ta agi mba hlata. Kayam agi hlagi nga lovot ndata yagi tu d’i.