Ndumba 19:11 - Bible azumeina

¹¹ Ma didina mi de kua ala: Sama mi do mad’a sanina, mba mi mbut ndjendjed’a gak burâ kid’iziya.

Ndumba 19:11 Kruisverwysings

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Hor ma tchina 4:14

A nga tcha tata ir palumba d’igi suma duka na, a mbut ndjendjed’a abo buzuna. Kayam ndata, sana ndak á dozi baru mazina d’i.

Ezekiyel 39:12

Israel-lâ a mba tozozi gak tilâ kid’iziya, kayambala andagad’a kak yed’ed’u d’a.

Ezekiyel 44:26

Bugol matna, le mi mbut tam yed’et da ni, mi djup gak burâ kid’iziya.

Sunda hi suma hi Levi-nid’a 11:31

Ahle ndazina pet agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege.

Sunda hi suma hi Levi-nid’a 21:1

Ma didina mi de mi Moise ala: Ang de mi suma ngat buzuna Aron groma ala: Ar ma ngat buzuna mi mbut tam ndjendjed’a ki sama mi mit aduk sum mamina d’i.

Sunda hi suma hi Levi-nid’a 21:11

Mam mba mi i yam mat ti, mi mbut tam ndjendjed’a yam matna habuma d’oze yam matna hasuma d’uo mi.

Sunda hi suma hi Levi-nid’a 22:4

Sama lara ma ad’u andjafâ hi Aron ma libina mi nde atama d’oze ma hle mbilîna, mi te he d’a hawa d’a a tinit irat vata d’i, gak mi mbut yed’et tua. Gat ndata ti ni yam sama mi do sama mi mbut tam ndjendjed’a ki vama matnina, yam sama sumurum mba vut grona djang ngei atama,

Sunda hi suma hi Levi-nid’a 5:2

Le sana mi do hara vama ndjendjed’a bei mi wum ala ni ma ndjendjed’a, le ni vama avona d’oze ma abageina d’oze vama dram kä na ni, mi mbut ni tam ndjendjed’a, zlad’a nga kam mi.

Wana ni mbaktumba hi Aze-d’a 2:13

Aze mi dazi kua ala: Le sana mi mbut ndjendjed’a ata yima mi do vama matnina, le mi do ahle suma wana ped’u ni, ahle ndazina a mba mbut ndjendjed’a zu? Suma ngat buzuna a hulong dum ala: Â! A mba mbut ndjendjed’a.

Ndumba 19:16

Le sana mi i abagei ba, mi do sama a tchuma d’oze ma mi mit kä na d’oze asoga sana d’oze asud’a ni, mba mi kak ki ndjendjed’a gak burâ kid’iziya.

Ndumba 31:19

Agi i vagiza anguvora woi bugol kangâ gak burâ kid’iziya. Suma adigagi suma a tchi matnina d’oze a do matnina pet, a mbut tazi yed’et kur bur ma hindina ki ma kid’iziyana, agi tagid’a zlapa ki suma agi yozi magombina mi.

Ndumba 5:2

Ang he vuna mi Israel-lâ a dik sama lara ma libina nde atama d’oze sama hle mbilîna d’oze sama mbut tam ndjendjed’a ki vama matnina woi kur kangâ.

Ndumba 6:6

Ata yima mi nga kur sun ndatina, ar mi do mad’a sana d’i.

Ndumba 9:10

Ang i de mi Israel-lâ ala: Ma didina mi dala: Le sana adigagi ini d’oze kur atchogoi d’a nga mbad’a mi mbut tam ndjendjed’a ki matna d’oze mi i akoi d’a dei d’a ni, mba mi le vun til ma Pa’â á suburun an Ma didina.

Ndumba 9:6

Suma ding suma a mbut tazi ndjendjed’a ki matna suma a ndak a le vun til ma Pa’â kur bur máma d’uo na a nga. A mba avok Moise azi ki Aron kur bur máma tamba.

Sunda hi suma a sunuzinid’a 21:26

Ata yi máma, Paul mi yo suma fid’i ndazina. Tcha ndjivinda mi mbut tam yed’et ki sed’eziya. Mi kal kur gong nga kud’ora hAlonid’a á de woi ala fata bur mazi ma azi mbut tazi yed’etna dapa, nge nge pî adigazi mi he vama ngat buzuna kamu d’a.

Sunda hi suma a sunuzinid’a 21:27

Kid’a bur ma kid’iziyana ar go á dapid’a, Juif suma Asi-na a we Paul kur gong nga kud’ora hAlonid’a. Azi zut ablau suma akulo ala a vumu.

Romê-na 5:12

Tchod’a ti mba kur duniyad’a ni yam sama tuna, nala, Adam. Tcho mamba ti mba ki matna, gak matna ndja abom mbei yam suma pet, kayam suma pet a le tchod’a.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Efes-sâ 2:1

Adjeu agi ni suma bogi woi yam tchila magid’a, yam tcho magid’ina mi.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?