Ndumba 18:9 - Bible azumeina

⁹ Ahle suma a tinizi irazi vazi suma a nga handji suma a nga ngalazi kakud’a d’uo suma a mba arî mangîna ba wana: He mazi d’a hawa d’a afuta pet, ahle mazi suma ngat buzu suma zlup yam tchod’ina kahle mazi suma ngat buzu suma yam tchilad’ina. Ahle suma a tinizi irazi vazi ndazina pet a mba arî mi ang ki grongâ.

Ndumba 18:9 Kruisverwysings

2 Amuleina 12:17

Kur atchogoi ndata Hazayel amul ma Siri-na mi mba á dur ayîna kazì ma Gat-na, mi hlumu, mi nga hurum ala mam i dur ayîna ki Jerusalem mi.

Nehemi 10:36

á mbami ki gromi suma vut avo’â ki d’uwar mami ma vut avo’â d’igi a b’ir kur Gata na, á mbami kamuzlei suma a vut avo’â kahok suma a vut avo’â mi suma ngat buzu suma a nga le sunda kur gong nga kud’ora hAlo mamid’ina,

Ezekiyel 42:13

Sa máma mi dan ala: Hur gongîyo suma nga abo ma norâ ki gongîyo suma nga abo ma sut suma nga avun atrang nga krovod’ina pet ni suma a tinizi irazi vazi mAlonina. Suma ngat buzu suma ndak á kal kur gong nga kud’ora hi Ma didinid’ina, a ndak á tahle suma a hazi he d’a hawad’a suma a tinizi irazi vazina kur gongîyo ndazina. Kayam a tin gongîyo ndazina irazi vaziya, suma ngat buzuna a ndak á tchuk ahle suma a hazi he d’a hawad’a suma a tinizi irazi vazina kua, nala, he d’a hawa d’a afuta kahle suma ding suma a hazi he d’a hawa d’a ngat buzuna teteng á fe hur ma vata yam tchod’ina mi.

Ezekiyel 44:29

Azi mba wul tazi ni ki he d’a hawa d’a afuta kahle suma ngat buzu suma yam tchod’ina kahle suma ngat buzu suma yam vat hurîna mi. Ahlena pet suma a tinizi irazi vazi yam an Ma didinina, a mba arî mazina mi.

Sunda hi suma hi Levi-nid’a 10:17

Ni kayam me ba, agi mud’ugi vama a tchum á zlup yam tchod’ina ata yima a tinim iram vama d’uo ge? Ni vama a tinim iram vam ma kal tegles ma Ma didina mi hagizina, kayam agi zigi tchod’a hablau sumid’a á zlubuzi yam tcho mazid’a avogomu.

Sunda hi suma hi Levi-nid’a 14:13

Mi ngat gor timina nata yima a ngat ahle suma a hazi vama ngat buzuna á zlup yam tchod’ina ki vama ngat buzu ma ngalina ata yima a tinim iram vama. Kayam vama ngat buzu ma yam tchilad’ina ni d’igi vama ngat buzu ma zlup yam tchod’ina na, a humî mi ma ngat buzuna. Ni vama a tinim iram vam ma kal teglesâ.

Sunda hi suma hi Levi-nid’a 2:10

He d’a hawad’a ad’ut ta ara ni yam Aron azi ki groma. He d’a hawad’a adut ta ar ndata ni vama a tinim iram vam mi an Ma didinina, kayam ni vama tcholï ata he d’a hawa d’a ngal la a hat mi an Ma didinid’ina.

Sunda hi suma hi Levi-nid’a 22:11

Wani le ni magom ma ma ngat buzuna mi guzum ki bege mambina, d’oze ma a vud’um avo hatama ni, a te te máma.

Sunda hi suma hi Levi-nid’a 22:7

Bugol nika hafatid’a, mba mi mbut yed’et. Bugola, mi te he d’a hawa d’a a tinit irat vata, kayam ni te mama.

Sunda hi suma hi Levi-nid’a 4:22

Ma didina mi de kua ala: Le amulâ mi le tchod’a bei min mamba, le mi tchila yam vun man ma hed’a tu, le mi le tcho d’a ndak á led’a d’uo d’a bei mi wat ad’ut ba ni, zlad’a nga kamu.

Sunda hi suma hi Levi-nid’a 4:27

Ma didina mi de kua ala: Le sama hawa ma aduk sumina mi le tchod’a bei min mamba, le mi tchila yam vun man ma hed’a, le mi le tcho d’a ndak á led’a d’uo d’a bei mi wat ad’ut ba ni, zlad’a nga kamu.

Sunda hi suma hi Levi-nid’a 5:1

Ma didina mi de kua ala: Le sana mi hum yi d’a sana mi yi suma glangâsâ yam vama mi wum ki iram mboze mi humum ki humama ko ba, le mi de nga woi kam mbuo ni, zlad’a nga kamu.

Sunda hi suma hi Levi-nid’a 5:6

Bugola, mi mba ki he d’a hawa d’a yam tcho mam mba mi lata avogon an Ma didina, mi mba ni ki timid’a d’oze b’ëd’a vama ngat buzuna á zlup yam tcho mamba. Ma ngat buzuna mba mi ngad’at á zlup yam tcho mamba.

Sunda hi suma hi Levi-nid’a 6:17

Ma didina mi de mi Moise ala:

Sunda hi suma hi Levi-nid’a 6:19

Ma ngat buzu ma mba mi he vama a hum vama ngat buzuna á zlup yam tchod’ina, mba mi mud’umu; mba mi mud’umî ata yima tu ma a tinim iram vam ma kur gulumuna hi zlub’u d’a ngaf tad’ina.

Sunda hi suma hi Levi-nid’a 7:1

Ma didina mi de kua ala: Wana ni gat ta yam vama ngat buzu ma sana mi hum yam vama mi b’lagamid’a; ni vama a tinim iram vam ma kal tegles mi an Ma didinina:

Sunda hi suma hi Levi-nid’a 7:6

Mandjuf ma lara ma aduk suma ngat buzunina, mi mut hliu máma, mi mud’umî ata yima tu ma a tinim iram vam mi an Ma didinina, kayam ni vama a tinim iram vam ma kal tegles mi an Ma didinina.

Sunda hi suma hi Levi-nid’a 7:7

Vama ngat buzu ma sana mi hum yam vama mi b’lagamina, ni d’igi vama ngat buzu ma a hum á zlup yam tchod’ina na mi; gat mazid’a ni tu; vama a hum vama ngat buzunina, mi mba mi arî hi ma ngat buzu ma mba mi ngad’am á zlup yam tchod’ina.

Ndumba 18:10

Agi tagizi nata yima tu ma a tinim iram vama. Andjofâ pet a taziya, a arî ahle suma a tinizi irazi vazi mi agina.

Gat ta a hat á mbàd’id’a 18:1

Moise mi de kua ala: Suma ngat buzu suma hi Levi-na kandjafâ hi Levi ma dingâ pet, a mba fe b’raud’a d’oze djona aduk Israel-lâ d’i. Te mazina nahle suma ngat buzu suma ngal suma a mba hazi mi Ma didinina.