Ndumba 18:7 - Bible azumeina

⁷ Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Ndumba 18:7 Kruisverwysings

Sawal la giled’a 115:10

Agi suma hi Aron-na, agi tinigi hurugi yam Ma didina; mam mi ma ndjunugina, mam mi mbarei magid’a mi.

Buzuk ka Abud’a 28:1

Ma didina mi de kua ala: Moise, ang yoï wiyengâ Aron azi ki groma, Nadap, Abihu, Elazar ki Itamar woi geveng aduk Israel-lâ, kayam azi lan sun nda ngat buzuna.

Buzuk ka Abud’a 29:9

Ang d’ak Aron azi ki groma furuzi ki talina, ang d’ud’uzi kadamula kazi mi. Sun nda ngat buzuna ti arî mazid’a, ti arî gata kazi gak didin. Ni hina ba, ang tin Aron azi ki groma kur sun ndata.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Ezekiyel 44:16

Sum ndazina a mba kal kur gong man nda kud’ora, a mba hut go ki tabul mana á lan sunda, a mba ngom sun manda mi.

Ezekiyel 44:8

Agi tagid’a lagi nga sun manda d’i, wani agi vragagi ni angoyogeina blangâgi á le sun ndata kur gong man nda kud’ora.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Sunda hi suma hi Levi-nid’a 7:35

Wana ni b’rau d’a yam Aron azi ki groma d’a a yot aduk ahle suma a hazi vama ngat buzu ma ngala mi an Ma didina kur bur ma a mba vozi mbulâ kazi á le sun nda ngat buzuna avogona.

Ndumba 1:51

Fata agi djogogi zlub’ud’id’a, ni suma hi Levi-na ba, a hôt tei ni aziya. Ata yima agi i kagagi kuana, ni suma hi Levi-na ba, a djugud’ot akulo ni azi mi. Le sama ding mi hut go ki sed’ed’u ni, agi tchum mbeyo.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 18:20

Ma didina mi de mi Aron kua ala: Ang mba fe djo ma ted’a kur ambas sa an mba ni hagizid’a d’i; b’rau manga nga adigazi d’uo mi. An ni b’rau manga ki djo mangâ adigaziya.

Ndumba 18:3

Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

Ndumba 3:10

Ang de mi Aron azi ki groma a ngom sun nda ngat buzuna djiviya. Le sana ni ma ngat buzuna d’uo ba, mi dod’u ni, agi tchum mbeyo.

Ndumba 3:38

Moise, Aron azi ki groma a ve zlub’u mazid’a avun zlub’u d’a ngaf tad’a abo ma yorogona. A nga ngom yima a tinim iram vama yam Israel-lâ. Le sama ding ma nga ni ma ngat buzuna d’uo ba, mi hut go á le sun ndata ni, a tchum mbeyo.

Matiye 10:8

Agi sud’ugi suma tugud’eid’a, agi tchologi suma matna akulo, agi sud’ugi suma libina, agi digigi muzuk ma tchona woi kur suma. Agi vagi ni hawa, agi hagi mi suma ni hawa mi.

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Gat ta a hat á mbàd’id’a 18:2

Azi mba fe djo ma ted’a aduk b’oziyozina d’i, kayam Ma didina mba mi arî djo mazina d’igi mam tamba mi dazi na.

Hebre-na 5:4

Sana mi ndak á subur tam á mbut ngol ma ngat buzuna yam tam mbi, wani ni ma Alona yum d’igi mi yi Aron na na.

Josue 18:7

Wani suma hi Levi-na a mba fe b’raud’a adigagi d’i, kayam sun nda ngat buzuna hi Ma didinid’a ni djo mazina. Andjafâ hi Gad-na, andjafâ hi Ruben-na kabo andjafâ hi Manase-na, Moise azongâ hi Ma didinina mi haziya wa djo mazina sä abo alum ma Jurdê-na woi hî abo ma yorogona da’.

1 Pierre 5:2

Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

1 Samuel 2:28

Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.