Ndumba 18:5 - Bible azumeina

⁵ Agi ngomogi ahlena hi yima kud’orina kahlena hi yima ngal ahle suma ngat buzunina kayambala an hurun zal yam Israel-lâ d’uo d’a.

Ndumba 18:5 Kruisverwysings

1 Sunda Hamuleinid’a 23:24

Wana nandjaf suma hi Levi suma avok sum mazina ad’u andjavazina, ni suma a ndumuzi ki simiyêzi gagang suma bizazi dok mbà dok mbàna, d’oze suma bizazi kal dok mbà dok mbàna á le suna gong nga kud’ora hi Ma didinid’a.

1 Sunda Hamuleinid’a 23:32

A nga ngom zlub’u d’a ngaf tad’a ki yima a tinim iram vam mAlonina. A nga tit yam vun ma hed’a hi b’oziyozi suma andjafâ hi Aron-nina á le suna gong nga kud’ora hi Ma didinid’a mi.

1 Sunda Hamuleinid’a 24:5

A walazi teteng ni ki togina, kayam suma nglo suma a tinizi ata yima a tinim iram vama ki suma nglo suma a le sunda mAlonina ni suma ad’u andjafâ hi Elazar-râ kandjafâ hi Itamar-rîna mi.

1 Sunda Hamuleinid’a 9:19

Salum Kore goroma ni Abiyasaf gorom ngolona, Kore nabum ngolo ma mbàna zlapa ki b’oziyom suma dingâ, a tinizi á ngom vun zlub’u d’a ngaf tad’a d’igi abuyozi ngolo a ngom vun kangâ hi suma hi Ma didinina na.

1 Sunda Hamuleinid’a 9:23

Azi ni suma a ngom vun agre’â ki gong nga kud’ora hi Ma didinid’a kur atchogoi d’a lara ge petna.

1 Sunda Hamuleinid’a 9:33

Suma nglo suma avok suma hle sawala ni suma hi Levi-na, ni suma a nga kaka kur gongîyonina. Sun nda ding nga kazi á led’a d’i, kayam azi nga le sunda andjege ki faleya.

Buzuk ka Abud’a 27:21

Ar Aron azi ki groma a tin lalamba kur zlub’u d’a ngaf tad’a avok baru d’a ka ir ra nga avok zanduk manid’a, kayam ti ngal avoron an Ma didina andjege dei gak yorogo. Gat ndata ti arî gat ta didinda yam Israel-lâ kur atchogoi mazid’a pet.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Ezekiyel 44:16

Sum ndazina a mba kal kur gong man nda kud’ora, a mba hut go ki tabul mana á lan sunda, a mba ngom sun manda mi.

Sunda hi suma hi Levi-nid’a 10:6

Moise mi de mi Aron azi ki groma Elazar ki Itamar ala: Agi welegi yagi woi d’i, agi hawâgi baru magina woi d’uo mi tala agi bogi d’uo d’a. Ar Ma didina hurum zal yam ablau suma petna d’uo mi. Agi aragi Israel suma petna a tchi mad’a b’oziyogi suma Ma didina mi ngalazi woina.

Sunda hi suma hi Levi-nid’a 24:3

Ar Aron mi tinit bugol baru d’a ka ir ra ka ir zanduk ma glangâs ma kur zlub’u d’a ngaf tad’ina tala ti ngal burâ ki burâ avogon an Ma didina d’a, tin ad’ud’a fladege dei gak yorogo. Wana ni gat ta didin nda yam andjavagid’a.

Zakari 10:3

An hurun nga mi zal yam suma pol suma ding suma a nga yi tazi ala azi ni suma pol sum mana na. An mba ni mba á ngoboziya. Gagazi, an Ma didin ma ad’engên kal petna nga ni dala: An mba ni ngom d’uwar man suma Juda-na, an mba ni i ki sed’ezi ata yima durâ d’igi akulum ma subura na.

Ndumba 1:50

Ang hazi sunda hi zlub’u d’a vun ma djinda mi nga kuad’a aboziya, kahle mat suma sunda kahle suma kurutna pet. Azi yo zlub’ud’a kahle suma kurutna pet, azi lat sunut ni aziya, azi nguyut ki kang mazina mi.

Ndumba 1:53

Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Ndumba 18:4

Azi mba kak ki sed’engû, a ngom ahlena hi zlub’ud’ina, a lat sunut pet mi. Sama ding mi tchila gevegi d’i.

Ndumba 4:18

Agi ngomogi andjafâ hi Kehat-na aduk suma hi Levi-na tala a dap pei d’uo d’a.

Ndumba 8:19

An ni he suma hi Levi-na ki zla tazi pet mi Aron azi ki groma aduk Israel-lâ, kayam azi le sunda kur zlub’u d’a ngaf tad’a mi Israel-lâ tala a zlubuzi yam tcho mazid’a d’a. Hina wani, tugud’ei d’a tchod’a mba d’i tum Israel-lâ ata yima azi mba hud’ï go ata yima a tinim iram vamina d’i.

Ndumba 8:2

Ang i de mi Aron ala: Ata yima ang ndjar lalam mba kid’iziyad’a akulo yam aguwatna, ar ti b’o woi avok aguwad’u.

1 Timote 1:18

Ang gorona Timote, vun ma he ma an hangzina, mi ndjak ki zla d’a suma djok vun Alona a dat adjeu kanga. Ar ang deng tang kat á dur ayî ma djivina.

1 Timote 3:15

Wani le yan ve ni, mbaktum ndata mba d’i tagang lovota ni nana ba, ang mba tit aduk suma hAlonina, tala aduk Toka hAlo ma arinid’a, tala ni gaf fa djik gagazid’a akulod’a ge.

1 Timote 5:21

An nga ni tcheneng avok Alona, avok Jesus Christ, avok malaika suma Alona mazina mi, ang ngom ahle ndazina bei gigrita, bei le yam ma ding kal ma dingâ ba.

1 Timote 6:20

Ang Timote, ang ngom ahle suma a hangzi abongâ. Ang hazigang mi djudjun nda hawa yak ka ndjak nga ki he gagazid’a d’uo d’a ki zla d’a tuguyo d’a azi nga yat ala ni ned’a d’a wani ni zla d’a kad’a.