Ndumba 18:32 - Bible azumeina

³² Hina wani, agi mba lagi tchod’a ata yima agi pad’agi ahle suma djivi suma kalâ d’i, agi mba mbud’ugi he d’a hawa d’a a tinit irat vat ta Israel-lâ a handjid’a ndjendjed’a d’i, agi mba bogi d’uo mi.

Ndumba 18:32 Kruisverwysings

Buzuk ka Abud’a 28:43

Aron azi ki groma a tchugum ad’uzi ata yima a mba kal kur zlub’u d’a ngaf tad’ina, d’oze ata yima azi nga i ata yima ngal ahle suma ngat buzuna á le sun nda ngat buzuna ata yima kud’orina. Hina wani, azi mba le tchod’a d’i, a mba bo d’uo mi. Gat ndata arî gat ta didinda yam Aron azi kandjavam ma mba mi mba blogoma mi.

Sunda hi suma hi Levi-nid’a 19:8

Sama tuma mba mi hlaneka hi tcho mambid’a kamu, kayam mi golî vama a hum mi an Ma didinina is. Sama hina na a mba pad’am mbei aduk sum mama.

Sunda hi suma hi Levi-nid’a 22:2

Ang de mi Aron azi ki groma, ar azi d’el tazi woi ata he d’a hawa d’a a tinit irat vat ta Israel-lâ a nga handjid’a, ar a mbud’un simiyên Ma bei tchod’ina ndjendjed’a d’i. An ni Ma didina.

Malatchi 1:7

Ni kayamba agi nga mbagi kahle suma te suma ndjendjed’a yam yi man ma ngal ahle suma ngat buzunid’a. Agi nga dagi ala: Ami mbud’ung ndjendjed’a ni ki me ge? Ni kayamba agi golon yi man ma ngal ahle suma ngat buzuna isa.

Ndumba 18:22

Ar Israel suma ding a tchila atat a hle tchod’a kazi ba, a bo d’i.

Ndumba 18:31

Ata yima lara pî agi ki sum magina, agi tagiziya, kayam ni wurak magid’a yam sunda hi zlub’u d’a ngaf tad’a d’a agi nga lata.

Ndumba 19:1

Ma didina mi de mi Moise azi ki Aron ala:

1 Korente-na 11:27

Kayam ndata, le sama lara ma nga mi tavungôna hi Salad’ina d’oze mi tche kop mama ata lovod’om mbuo ni, mi le ni tchod’a ki hliuna ki buzuna hi Salad’ina mi.

1 Korente-na 11:29

Kayam le sana nga mi tavungôna nga mi tche kopma bei mi wad’ud’a ala ni hliuna hi Salad’ina ni, mi te mi tche sariyad’a kamu.