Ndumba 18:23 - Bible azumeina

²³ Suma hi Levi-na a mba le sunda kur zlub’u d’a ngaf tad’a, a mba zi aneka hi tcho mazid’a mi. Zla ndata arî gat ta didinda kagi kur atchogoi magi d’a lara ge pet. Azi mba fe djo ma ted’a aduk Israel-lâ d’i.

Ndumba 18:23 Kruisverwysings

Buzuk ka Abud’a 27:21

Ar Aron azi ki groma a tin lalamba kur zlub’u d’a ngaf tad’a avok baru d’a ka ir ra nga avok zanduk manid’a, kayam ti ngal avoron an Ma didina andjege dei gak yorogo. Gat ndata ti arî gat ta didinda yam Israel-lâ kur atchogoi mazid’a pet.

Ezekiyel 44:10

Ma didina mi de kua ala: Suma hi Levi suma a d’es sei dei ki sed’en ata yima Israel-lâ a d’es sei dei ki sed’en á tit ad’u filei mazinina, a mba zi aneka hi tcho mazid’id’a kaziya.

Ndumba 18:1

Ma didina mi de mi Aron ala: Ang ki grongâ ki b’oziyong suma ad’u andjafâ hi Levi-nina, agi zigi aneka hi tchod’a pet ta suma a mba lat ata yima kud’orid’a. Ang ki grongâ agi zigi aneka hi tcho d’a suma ngat buzuna a mba lata pet mi.

Ndumba 18:20

Ma didina mi de mi Aron kua ala: Ang mba fe djo ma ted’a kur ambas sa an mba ni hagizid’a d’i; b’rau manga nga adigazi d’uo mi. An ni b’rau manga ki djo mangâ adigaziya.

Ndumba 19:21

Gat ndata mba d’i arî gat mazid’a hina gak didin. Sama mi yam mbiyo ma mbut sana yed’etna ata sanina mi mbus baru mama woyo; sama mi do mbiyo mámina mba mi kak ki ndjendjed’a gak fladege.

Ndumba 26:62

Wana ni suma a ndumuzina, gro andjof suma pet: Suma tilizi tutuna ki suma kal tilâ tutuna pet ni 23.000. A ndumuzi nga zlapa ki Israel suma dingâ d’i, kayam azi ndak á hazi ambasa djona ki Israel suma dingâ d’i.

Ndumba 3:7

Azi mba le sunda mi Aron yam ablaud’a hi Israel-lîd’a pet avun zlub’u d’a ngaf tad’a. Azi mba ndak vun sun mazid’a kur yima kak ma a tinim iram vama.

Ndumba 35:29

Wana ni vun ma he ma ngad’a kagi agi kandjavagi ata yima lara ma agi mba kagagi kuana:

Gat ta a hat á mbàd’id’a 10:9

Kayam ndata, suma hi Levi-na a nga ki b’raud’a d’oze djo ma te ki b’oziyozina d’i. Ma didina ni djo mazi ma ted’a d’igi Ma didina Alo magina mi dazi na.)

Josue 13:14

Nandjafâ hi Levi-na hol ba, Moise mi hum nga andagad’a djona d’i, kayam ahle suma ngat buzu suma a hazi he d’a hawa d’a ngala mi Ma didina Alona hi Israel-lîna ni djo mama d’igi Ma didina mi hlum vunam na.