Ndumba 18:21 - Bible azumeina

²¹ Ma didina mi de mi Aron kua ala: An he dim ma Israel-lâ a nga handjina mi suma hi Levi-na djona. Ni wurak ka yam sun mazid’id’a, nala, sun nda zlub’u d’a ngaf ta d’a azi nga lata.

Ndumba 18:21 Kruisverwysings

Ad’u Tinda 14:20

Ei suburi Alo ma sä akulo ma kal tegles ma hang mang suma djangûna abongâ. Abram mi hum vun ahlena pet suma mam hurumuzï ata yima ayînina, nala, dogo mam pad’am tu, dogo mam pad’am tu.

Ad’u Tinda 47:24

Bur ma duta, vama vahlâ, agi pad’agi tu mi Faron. Magina ar fid’i á zara ki te magina ki suma avo hatagina ki grogina.

Ad’u Tinda 47:26

Josef mi tin gata kur bur máma ala: Vama vahlâ pat tu mi Faron. Gat ndata nga kad’enga gak ini kur ambas sa Ezipte-d’a. Wani ni siliud’a hi suma ngat buzunid’a hol ba, ti nga ni hi Faron-nda d’i.

2 Sunda Hamuleinid’a 31:12

Burâ ki burâ a nga mba kahle suma a pad’azi vunazi dimina kahle suma a tinizi irazi vazina. A tin Konaniya ma ad’u andjafâ hi Levi-na yam ahle ndazina zlapa ki wiyema Simei ma kam á mbàd’ina.

Nehemi 10:29

a zlap tu ki b’oziyozi suma simiyêzi nga mi yï adigazina. A hle vunazi ki gun tad’a á tit yam Gata hAlona d’a mi hat mazong mama Moise-sa á ngom vun ma hed’a hi Salei Ma didina ki hat mamba, á le sunda kazi mi.

Nehemi 10:37

á mbami kafut mamid’a ki he d’a hawad’a hi vud’agu maminid’a pet ki süm guguzlu d’a bei ned’a ki mbulâ mi suma ngat buzu suma a nga kur gong nga kud’ora hAlo maminid’a, á hami dima hahle suma ami zumuzina mi suma hi Levi-na mi. Ar suma hi Levi-na a i ve dima ni azi tazid’a kur azì ma nglo ma nga yam andaga d’a ami nga zumumi kuad’a.

Nehemi 10:38

Ma ngat buzu ma ad’u andjafâ hi Aron-na mi i ki suma hi Levi-na ata yima a nga mba ki dim ma a pad’am aduk dimina kur gong nga ngom ahlena kur gong nga kud’ora hAlo meinid’a.

Nehemi 12:44

Kur bur máma a tin suma ngom gongîyo suma a tchuk ahle suma hazi he d’a hawad’ina, nala, awu ma ne avo’â ki dima, a dazi ala a i veï awu ma hur azinina mi suma ngat buzuna ki suma hi Levi-na d’igi Gata ti de na. Kayam suma Juda-na tazi lazi djivid’a yam sun nda suma ngat buzuna ki suma hi Levi-na a nga lata,

Nehemi 12:47

Kur atchogoid’a hi Zorobabel azi ki Nehemi-d’a, Israel-lâ pet a nga he he d’a hawad’a mi suma hle sawala ki suma ngom vun gongîyona burâ ki burâ, a nga he he d’a hawa d’a tinit irat vat mi suma hi Levi-nid’a mi; suma hi Levi-na a nga he he d’a hawa d’a a tinit irat vata mandjafâ hi Aron-na mi.

Nehemi 13:12

Ata yi máma suma Juda-na a nde mba ki dim ma awuna ki dim ma süm ma bei ned’a ki dim ma mbul olifâ kur gong nga ngom ahlena.

Nehemi 13:5

mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.

Malatchi 2:4

Ma didin ma ad’engêm kal petna mi dala: Ata yi máma agi mba wagi ala ni an ba ni hagi vuna, kayam vun ma djin ma an djinim ki suma hi Levi-nina mi ka’î ma iratna.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Ndumba 18:6

Gola! An man b’oziyogi suma hi Levi-na aduk Israel-lâ yam anu, an hagizi he d’a hawad’a á le sunda hi zlub’u d’a ngaf tad’id’a.

Ndumba 3:6

Ang mbeï ki suma hi Levi-na, ang hazi abo ma ngat buzuna Aron, kayam azi le sunda abomu.

Ndumba 31:28

Aduk ahle suma a b’rawazi mi azigarîna ang pat aduk mi anu. Suma kikis vahl, ang pat tu; d’uwarâ kikis vahl, ang pat tu, nala, aduk amuzleina, aduk korona, aduk tumiyôna, aduk b’ogeina mi.

Galat-na 6:6

Sama sana nga mi had’am zlad’a hAlonid’ina, djivid’a mi b’rau ahle mam suma djivina ki sama nga mi had’ama.

Gat ta a hat á mbàd’id’a 18:8

ar mi fe b’raud’a yam te mama dedege d’igi mazina na bei ndum bege d’a mi fat kahle suma mi guzuzi woi habuma ba.

Hebre-na 7:5

Wani kur vun ma hed’a hi Gata hi Moise-sina, suma ngat buzu suma ad’u andjafâ hi Levi-na, a nga ve vun ahle suma dodogona abo Israel-lâ, nala, b’oziyozina. Wani azi tazid’a nandjafâ hi Abraham-ma mi.