Ndumba 18:2 - Bible azumeina

² Ang mba hud’ï b’oziyong suma hi Levi suma ad’u andjafâ habungâ, kayam azi kak ki sed’eng á ndjunung ata yima agi ki grongâ agi mba igi avun zlub’u d’a zanduk mana nga kuad’ina.

Ndumba 18:2 Kruisverwysings

Ad’u Tinda 29:34

Ti hulong ve wirâ kua, ti vut gor mandjufâ, ti dala: Ihî wani, ndjuvun mba mi reî ki sed’enu, kayam an vud’um gro andjofâ hindi. Ni kayam ndata ba, ti yum ala Levi.

2 Sunda Hamuleinid’a 30:16

A nga tchola ata yi mazi ma sunda d’igi a b’ir kur gata hi Moise sana hAloninid’a na. Suma ngat buzuna a nga yam buzu ma a vum abo suma hi Levi-nina kä yam yima ngal ahle suma ngat buzuna.

Ezekiyel 44:11

A mba lan sunda, a mba kak ndjola avun agre’â hi gong man nda kud’orina teteng, a mba le sunda kurut teteng mi, a mba ngat d’uwar ma a mba hum vama ngat buzu ma ngalina ki vama a hum yam he d’a hawa d’a dingina, a mba ka’î suma ndjun suma avoron mi.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Malatchi 2:4

Ma didin ma ad’engêm kal petna mi dala: Ata yi máma agi mba wagi ala ni an ba ni hagi vuna, kayam vun ma djin ma an djinim ki suma hi Levi-nina mi ka’î ma iratna.

Ndumba 1:53

Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 17:7

Moise mi tchuk tutuguyo ndazina kä avok zandu’â hi Ma didinina kur zlub’ud’a.

Ndumba 18:4

Azi mba kak ki sed’engû, a ngom ahlena hi zlub’ud’ina, a lat sunut pet mi. Sama ding mi tchila gevegi d’i.

Ndumba 3:5

Ma didina mi de mi Moise ala:

Ndumba 4:15

Le Aron azi ki groma a dap wa zlup yam ahle suma a tinizi irazi vazina kahle suma a le ki sunda ata yima a tinim iram vama da ni, ata yima agi igina, suma hi Kehat-na a mba, a yo ahle ndazina. Wani a do ahle suma a tinizi irazi vazina tala azi bö d’a d’i. Wana ni sun nda a hat mi suma hi Kehat-na kur zlub’u d’a ngaf tad’id’a.

Ndumba 8:19

An ni he suma hi Levi-na ki zla tazi pet mi Aron azi ki groma aduk Israel-lâ, kayam azi le sunda kur zlub’u d’a ngaf tad’a mi Israel-lâ tala a zlubuzi yam tcho mazid’a d’a. Hina wani, tugud’ei d’a tchod’a mba d’i tum Israel-lâ ata yima azi mba hud’ï go ata yima a tinim iram vamina d’i.

Ndumba 8:22

Bugol ahle ndazina, suma hi Levi-na a nde le sun mazid’a kur zlub’u d’a ngaf tad’a ad’u vun ma hed’a hi Aron azi ki gromina d’igi Ma didina mi he vuna kazi na.

Hebre-na 9:6

Ata yima a min ahlena petna, suma ngat buzuna a nga kal kur zlub’u d’a avoka burâ ki burâ á le sun mazid’a.