Ndumba 18:1 - Bible azumeina

¹ Ma didina mi de mi Aron ala: Ang ki grongâ ki b’oziyong suma ad’u andjafâ hi Levi-nina, agi zigi aneka hi tchod’a pet ta suma a mba lat ata yima kud’orid’a. Ang ki grongâ agi zigi aneka hi tcho d’a suma ngat buzuna a mba lata pet mi.

Ndumba 18:1 Kruisverwysings

Buzuk ka Abud’a 28:38

Aron mba mi zi lor ra bebed’e ndata avorom akulo burâ ki burâ ata yima mi tchol avogon an Ma didinina. Kayam ndata, an mba ni ve he d’a hawa d’a a mba tinindji irat vata aboziya. Le azi he nga he d’a hawad’a ata lovod’ot tuo pî, an mba ni wazi hohowoziya.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Ezekiyel 4:4

Bugola, ang bur kä yam bigang nga gulad’a, an mba ni tin tchod’a hi Israel-lîd’a kangû. Ang mba zi tcho mazid’a kang ata yima ang mba le burâ ablaud’a kä ata yi mámina.

Sunda hi suma hi Levi-nid’a 10:17

Ni kayam me ba, agi mud’ugi vama a tchum á zlup yam tchod’ina ata yima a tinim iram vama d’uo ge? Ni vama a tinim iram vam ma kal tegles ma Ma didina mi hagizina, kayam agi zigi tchod’a hablau sumid’a á zlubuzi yam tcho mazid’a avogomu.

Sunda hi suma hi Levi-nid’a 22:16

Le a tat nga ata lovod’ot tuo ni, a tin ni tcho d’a dinga yam Israel-lâ. A hulong he vama dingâ á min zla mazid’a, kayam an ni Ma didin ma ni mbut he d’a hawa ndata vama an tinim iram vama.

Sunda hi suma hi Levi-nid’a 22:9

Ar azi ngom vun man ma hed’a, ar azi mbud’um ndjendjed’a á hlaneka hi tcho mazid’id’a kazi ba, a bo d’i, kayam an ni Ma didin ma ni tinizi irazi vazina.

Ndumba 14:34

Agi lagi burâ á d’u ambasa ni dok fid’i, agi mba zigi aneka hi tcho magid’a bizad’a dok fid’i mi; bur ma lara pî ni ngad’a yam bizad’a gagang. Hina wani, agi mba wagi ala ni ndaka á kak djangûna ki sed’enu.

Ndumba 16:10

Mi hud’ugi go ki sed’emu, ang ki b’oziyong suma hi Levi-na pet. Agi hal á hlagi sun nda ngat buzuna d’ei zu?

Ndumba 17:13

Sama lara pî ma mi hut go ki zlub’ud’a hi Ma didinid’ina, mi mit ni mid’a. Ami pet bomi ni woi hina d’ang zu?

Ndumba 17:3

Ang b’ir simiyê Aron ata totogo d’a yam andjafâ hi Levi-nid’a, kayam ang mba fe totogod’a tutu yam suma avok andjavazina.

Ndumba 17:7

Moise mi tchuk tutuguyo ndazina kä avok zandu’â hi Ma didinina kur zlub’ud’a.

Ndumba 18:11

He d’a hawa d’a Israel-lâ a mba gazat akulo avoronda, an hangzi mi ang ki grong suma andjofâ ki grong suma aropma kua; ti arî gat ta didinda. Sama lara ma avo hatang ma yed’etna, mi ndak á tad’u.

Ndumba 3:6

Ang mbeï ki suma hi Levi-na, ang hazi abo ma ngat buzuna Aron, kayam azi le sunda abomu.

Gat ta a hat á mbàd’id’a 10:8

Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Suma ka sariyad’a 17:12

Mika mi tin ma hi Levi máma kur sunda. Ma hi Levi máma mi mbut mam ma ngat buzuna, mi kak avo hatam mi.