Ndumba 17:13 - Bible azumeina

¹³ Sama lara pî ma mi hut go ki zlub’ud’a hi Ma didinid’ina, mi mit ni mid’a. Ami pet bomi ni woi hina d’ang zu?

Ndumba 17:13 Kruisverwysings

Ad’u Tinda 3:3

wani vud’agu ma nga tchola aduk asinenina, Alona mi dami ala ami tum mbi, ami dom mbuo mi, kayambala ami bomi d’uo d’a.

2 Samuel 24:25

David mi min yima ngal ahle suma ngat buzuna mi Ma didina, mi he he d’a hawa d’a ngala kahle suma ngat buzu suma zlap darigïd’a mi. Ata yi máma Ma didina hurum b’leng ngei yam suma kur ambas sa Israel-lina; tugud’ei d’a tcho d’a tchi mat ndata ti ar Israel-lâ bei tchid’a mi.

1 Sunda Hamuleinid’a 15:13

Kayam fata avok agi nga kua d’i, Ma didina Alo meina mi tchi matna adigamiya, kayam ami lami nga ata lovod’ot ti.

Sawal la giled’a 90:7

Gagazi, ami nga dabami woi abo hur mang ma zala, ami nga zlagami abo ayî mang ma djulula mi.

Isai 28:22

Ki tchetchemba, ar agi sanagi ad’u zla manda d’i. Le d’uo ni, ziyo ma a djinigi ki na mba mi sirit kelegiya. Kayam Ma didina mi nga wa hurum á b’lak ambasa da’. An hum zla ndata navun Salad’a Ma didin ma ad’engêm kal petna tamba.

Ndumba 16:26

Mi de mablaud’a ala: Agi walagi tagi woi dei kazina hi suma tcho ndazinina, agi tinigi abogi ata va mazi d’i, tala agi bogi woi zlapa tu ki sed’ezi yam tcho mazid’a d’a d’i.

Ndumba 18:1

Ma didina mi de mi Aron ala: Ang ki grongâ ki b’oziyong suma ad’u andjafâ hi Levi-nina, agi zigi aneka hi tchod’a pet ta suma a mba lat ata yima kud’orid’a. Ang ki grongâ agi zigi aneka hi tcho d’a suma ngat buzuna a mba lata pet mi.

Ndumba 25:8

mi i ad’u ma Israel-lâ krovo kur zlub’u mamba, mi tchogom katcha ndata huyogozi ki zla tazi djak. Ata yi máma tugud’ei d’a tcho d’a tchi matna ti ar bei tchi Israel-lâ.

Ndumba 32:13

Ma didina hurum zal ngola ata Israel-lâ, mi tchazi tita abagei hur fulâ tata gak bizad’a dok fid’i gak suma a le tchod’a avoroma a dap pei pet.

Sunda hi suma a sunuzinid’a 5:5

Ata yima Ananiyas mi hum zla ndatina, mi puk kä, mi mid’a. Suma a hum ahle ndazinina pet a le mandarâ ngola.

Efes-sâ 2:13

Wani ki tchetchemba, yam Jesus Christ, agi suma adjeu woi deina, Alona mi hud’ugï wa go ki buzuna hi Christ-sâ.

Gat ta a hat á mbàd’id’a 2:16

Kid’a suma dur ayîna a bo woi aduk sum ndazina peta,