Ndumba 17:10 - Bible azumeina

¹⁰ Ma didina mi de mi Moise kua ala: Ang hulong totogod’a hi Aron-nda kä avok zanduk mana. Ti mba d’i mbut ni vama ge humba mi Israel suma yam mba ad’enga. Hina wani, ang mba d’el vun gureî d’a azi nga guruyôt kanda, azi mba ar bei bod’a mi.

Ndumba 17:10 Kruisverwysings

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

Buzuk ka Abud’a 16:32

Moise mi dala: Wana ni vama Ma didina mi he vuna kama mi dala: Agi ngomogi manna kilona mbà yam andjavagi ma agi mba vud’um bugolâ, kayam azi we avungô ma an hagizi abagei hur fulâ ata yima an buzugugï woi kur ambas sa Ezipte-d’ina.

Buzuk ka Abud’a 16:34

Aron mi tinim kä avok zandu’â hAlonina d’igi Ma didina mi he vuna mi Moise na, kayam a ngomom kä na.

Isai 1:2

Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Wana ni mbaktumba hi Oze-d’a 10:9

Ma didina mi dala: Agi Israel-lâ, agi lagi tchod’a avo Gibeya adjeu dei, gak ini agi nga igi avogovok kur tchod’a. Na ni ayîna mi nde nga yam suma tchona avo Gibeya d’uo zu?

Ndumba 14:5

Moise azi ki Aron a puk kä ki irazi andaga avok ablaud’a hi Israel-lîd’a.

Ndumba 16:21

Agi walagi tagi woi kablau sum ndazina, kayam an nga ni ngalazi woi ka tchetchem!

Ndumba 16:38

Ahle suma yo aku suma kaweina hi suma a le tchod’a a bo ki na, a bed’ezi woyo. Agi b’alazi ata yima ngal ahle suma ngat buzuna. Kayam azi mba ki sed’ezi avogon an Ma didina, a mbut nahle suma a tinizi irazi vazina, a mba mbut nahle suma taka mi Israel-lâ mi.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 17:11

Moise mi lahle ndazina d’igi Ma didina mi hum vuna na mi.

Ndumba 17:4

Ang tchuk tutuguyo ndazina kä kur zlub’u d’a ngaf tad’a avok zanduk mana ata yima an nga ni ngavagi kuana.

Ndumba 17:9

Moise mi yo tutuguyo suma kur zlub’ud’ina pet, mi i tagazi mi Israel-lâ pet á waziya. Suma nglo suma avorozina nge nge pî mi hle mamba.

Ndumba 20:9

Moise mi hle totogo mam mba nga avok Ma didinid’a d’igi Ma didina mi hum vuna na.

Ndumba 4:18

Agi ngomogi andjafâ hi Kehat-na aduk suma hi Levi-na tala a dap pei d’uo d’a.

1 Korente-na 10:10

Ar agi guruyôgi d’igi suma dingâ adigazi a gureî hina ba malaika ma tchi suma b’lagazi woi na d’i.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Gat ta a hat á mbàd’id’a 9:24

Dedeid’a an wagi d’a, agi ni suma bei hum vun Ma didina ba na.

Gat ta a hat á mbàd’id’a 9:7

Moise mi de kua ala: Agi djib’eregiya, agi maragi yam zal la agi zalagi hur Ma didina Alo magina abagei hur fulâ adjeud’a d’i. Tinï ad’ud’a kur bur ma agi buzugugï woi Ezipte-na dei gak mba magid’a ini ata yima wanid’a, agi ni suma so vun Ma didina.

Hebre-na 9:4

Kur yi máma, vama a minim ki lora á ngal mbul ma his ma afufuînina ki zanduk ma Alona mi djin vunam kam ma a gulud’um ki lorina a nga kua. Dei ma lor ma manna kuruma ki totogod’a hi Aron nda d’ufa kahina d’a bebed’e d’a tchet ta mbà d’a Alona mi b’ir vun ma he mama kuad’a a nga kua mi.

1 Samuel 2:12

Eli groma ni suma zlazi nga d’uo na, a we nga Ma didina d’i.

1 Samuel 30:22

Suma tcho suma hawa yak suma a nga aduk suma a i ki David-na a dala: Azi i nga ki ei d’uo da ni, ei hazi ahle suma ei prud’uzïna d’i; nge nge pî ei hum amamba ki groma hol, azi i ki sed’eziya.