Ndumba 16:9 - Bible azumeina

⁹ Na ni ni vama gor iragi tala Alona hi Israel-lîna mi tinigi iragi vagi kablaud’a hi Israel-lîd’a, mi hud’ugi go ki sed’em á le sun nda zlub’u mamba, á tchol avok ablaud’a hi Israel-lîd’a á lat sundid’a zu?

Ndumba 16:9 Kruisverwysings

Ad’u Tinda 30:15

Lea ti hulong dat ala: Ndak hle ndjuvun abon wani ndagak nga d’uo tua ba, ndak hal á hle mandragorâ hi goronina kua d’ei zu? Rachel ti dat ala: Djiviya! Jakob mi bur ini ki sed’ek yam mandragorâ hi goro’îna d’ang.

2 Samuel 7:19

Salad’a Ma didina, ni zla d’a akid’eid’a irang tala ang nga de zlad’a yam andjafâ hi an azong mangâ vama sä avo’â, an mala ni sana na zu?

2 Sunda Hamuleinid’a 35:3

Mi de mi suma hi Levi suma a nga hat Israel-lâ pet suma a tin tazi irat vat yam Ma didinina ala: Agi djogogi zanduk ma a tinim iram vama kur gong nga Salomon David amul ma Israel-lâ goroma mi minita, agi hlagizi kelegi d’uo d’a. Ki tchetchemba, agi lagi sunda mi Ma didina, mi mam suma Israel-lâ mi.

Nehemi 12:44

Kur bur máma a tin suma ngom gongîyo suma a tchuk ahle suma hazi he d’a hawad’ina, nala, awu ma ne avo’â ki dima, a dazi ala a i veï awu ma hur azinina mi suma ngat buzuna ki suma hi Levi-na d’igi Gata ti de na. Kayam suma Juda-na tazi lazi djivid’a yam sun nda suma ngat buzuna ki suma hi Levi-na a nga lata,

Isai 7:13

Ata yi máma Isai mi dum ala: Agi suma hi David-na, agi humugiya! Kau d’a agi kawagi suma ki ve tad’id’a ndagagi nga d’uo tua ba, agi min kawagi Alo mana kua ki ve ta mamba mi zu?

Ezekiyel 34:18

Na ni ni vama yâna iragi á te hatna ata yima te hat ma djivina ba, agi i mired’egi hat magina ad’um mba ara kä kasegi zu? Ni vama yâna iragi á tche mbiyo ma d’igila ba, agi i mbud’ugi ma arâ dodopa kasegi zu?

Ezekiyel 44:16

Sum ndazina a mba kal kur gong man nda kud’ora, a mba hut go ki tabul mana á lan sunda, a mba ngom sun manda mi.

Ndumba 1:53

Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.

Ndumba 16:13

Na ni ni vama gorâ irang d’a ang buzugumï woi kur ambas sa ambira ki mbul ayuma a nga sor kä kua d’a á tchami woi abagei hur fulâ ka hî d’a zu? Tua ba ang min á te kami kad’enga kua zu?

Ndumba 16:8

Moise mi de mi Kore ala: Agi suma hi Levi-na, agi humugiya!

Ndumba 3:6

Ang mbeï ki suma hi Levi-na, ang hazi abo ma ngat buzuna Aron, kayam azi le sunda abomu.

Ndumba 3:9

Ang he suma hi Levi-na mi Aron azi ki groma. Ar Israel-lâ a tinizi irazi vaziya.

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

1 Korente-na 4:3

Le agi kagi sariyad’a kan ndoze suma duniyad’a a ka sariyad’a kanu ni, an gol ni vama akid’eina hawa. An tan ndak á ka sariyad’a yam tan ndi.

Gat ta a hat á mbàd’id’a 10:8

Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi.

1 Samuel 18:23

Azungeîna hi Saul-lâ a dugot zla ndata ded’a mi David. David mi hulong dazi ala: Na ni agi gologi ni vama afefetna iragi á mbut amulâ akunoma zu? Anu, an ni sama houd’a, an ni sama ndak va d’uo na mi.