Ndumba 16:5 - Bible azumeina

⁵ mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

Ndumba 16:5 Kruisverwysings

Sawal la giled’a 105:26

Mi sun azong mama Moise azi ki Aron ma mam manama ataziya.

Sawal la giled’a 115:10

Agi suma hi Aron-na, agi tinigi hurugi yam Ma didina; mam mi ma ndjunugina, mam mi mbarei magid’a mi.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.

Buzuk ka Abud’a 28:1

Ma didina mi de kua ala: Moise, ang yoï wiyengâ Aron azi ki groma, Nadap, Abihu, Elazar ki Itamar woi geveng aduk Israel-lâ, kayam azi lan sun nda ngat buzuna.

Buzuk ka Abud’a 28:41

Moise, ang tchugut ata wiyengâ Aron azi ki groma, ang vozi mbulâ kaziya, ang tinizi kur sunda, ang tinizi irazi vaziya. Hina wani, azi mba lan sun nda ngat buzuna.

Buzuk ka Abud’a 28:43

Aron azi ki groma a tchugum ad’uzi ata yima a mba kal kur zlub’u d’a ngaf tad’ina, d’oze ata yima azi nga i ata yima ngal ahle suma ngat buzuna á le sun nda ngat buzuna ata yima kud’orina. Hina wani, azi mba le tchod’a d’i, a mba bo d’uo mi. Gat ndata arî gat ta didinda yam Aron azi kandjavam ma mba mi mba blogoma mi.

Jeremi 30:21

Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Ezekiyel 40:46

wani gong nga irat abo ma norîd’a ni yam suma ngat buzu suma a nga le sunda avun yima ngal ahle suma ngat buzunina mi. Mi dan kua ala: Aduk Levi groma pet ni suma abuzi ngolo ni Sado’â hol ba, a ndak á le sunda mi Ma didina kur gong mam mba kud’ora.

Ezekiyel 43:19

Ang he suma ngat buzu suma hi Levi suma ad’u andjafâ hi Sadok suma an hazi vuna á lan sundina gor amuhlâ. Azi hum vama ngat buzuna á fe vat hurâ atanu. An Salad’a Ma didina ni de na.

Ezekiyel 45:4

Yi máma ni yima a tinim iram vam mi an Ma didinina, kayam suma ngat buzu suma a nga le sun mandina a fe yima kaka kua. Azi mba min gongîyo mazina kua, a mba min gong man nda kud’ora ni kua mi.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 8:2

Ang yi Aron azi ki groma, ang yo baruna, ang hle mbul ma a vom yam sumina, ang vamuhl ma a hum vama ngat buzu ma zlup yam tchod’ina, ang yo gamlâna mbà, ang hle gagalaga d’a avungô ma a lum bei angufina nga kura,

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Ndumba 16:3

A togï gen Moise azi ki Aron, a dazi ala: Ami ndagami da’, kayam ablaud’a pet ni suma a tinizi irazi vazi mAlonina, Ma didina mi nga adigazi mi! Ni kayam me ba, agi suburugi tagi yam suma hi Ma didinina ge?

Ndumba 16:6

Ang Kore ki sum mangâ pet, agi yogi ahle magi suma yo akud’a abogiya.

Ndumba 17:5

Sama an manama, totogo mamba mba d’i d’uva. Hina wani, an mba ni d’el gureî d’a Israel-lâ a nga guruyôt kagid’a avogonu.

Ndumba 17:8

Tcha ndjivinda, ata yima Moise mi kal kur zlub’ud’ina, mi we totogod’a hi Aron nda yam andjafâ hi Levi-nid’a ti d’uvî d’uva go d’i, wani ti b’o, ti vut vud’agu amandena, mi ne mi.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Sunda hi suma a sunuzinid’a 1:2

gak bur ma Alona mi hlum sä akulona. Avok i mam mba sä akulod’a, mi he vuna yam ad’enga hi Muzuk ma bei tchod’a ba na mi mam suma a sunuzi suma mi manazina.

Sunda hi suma a sunuzinid’a 1:24

A tchen Alona kazi ala: Salad’a, ang ma we hur suma petna, ang tagami aduk suma mbà ndazina sama ang manama,

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

Sunda hi suma a sunuzinid’a 15:7

Kid’a a tchi tuguyod’a ngola aduk tazid’a, Pierre mi tchol akulo, mi dazi ala: B’oziyona, agi wagi kur bur ma kalâ, Alona mi manan adigagi kayam an tchi wal Zla d’a Djivid’a mandjaf suma dingâ kayam a hum zla ndata, a he gagazid’a mi.

Sunda hi suma a sunuzinid’a 22:14

Mi dan ala: Alona habuyoi ngolona mi manang avok á we min mamba, á we mam Ma d’ingêrâ, á hum zla d’a tcholï avunamba mi.

Efes-sâ 2:13

Wani ki tchetchemba, yam Jesus Christ, agi suma adjeu woi deina, Alona mi hud’ugï wa go ki buzuna hi Christ-sâ.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!

1 Samuel 2:28

Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.