Ndumba 16:48 - Bible azumeina

⁴⁸ Mi tchol aduk suma matna ki suma arina. Tugud’ei d’a tchod’a ti arazi bei tchid’a.

Ndumba 16:48 Kruisverwysings

2 Samuel 24:25

David mi min yima ngal ahle suma ngat buzuna mi Ma didina, mi he he d’a hawa d’a ngala kahle suma ngat buzu suma zlap darigïd’a mi. Ata yi máma Ma didina hurum b’leng ngei yam suma kur ambas sa Israel-lina; tugud’ei d’a tcho d’a tchi mat ndata ti ar Israel-lâ bei tchid’a mi.

Sawal la giled’a 106:30

Ata yi máma Fines mi tchol akulo mi tchi suma a le tchod’ina, mi d’el ki vun tugud’ei d’a tcho ndata.

Ndumba 16:18

Kore ki sum mama a hum zla ndata. Nge nge pî mi hle va mam ma yo akud’a mi tchuk gordjona kuru, mi tchuk dubang ma his djivid’ina kad’u, a mba tchol avun zlub’u d’a ngaf tad’a. Moise azi ki Aron a mba mi.

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Ndumba 16:47

Aron mi hle vama yo aku ma kaweina d’igi Moise mi dum na, mi ring aduk ablaud’a mi. Gol wani, tugud’ei d’a tcho d’a tchi matna ti tin wa ad’ud’a aduk suma da’. Mi ngal dubang ma his djivid’ina á zlup yam tchod’a hi sumid’a.

Ndumba 16:49

Ablau suma a bona pet ni 14.700 bei ndum suma a bo yam zlad’a hi Kore-nid’a ba.

Jean 5:14

Bugol ahle ndazina, Jesus mi fum kur gong nga kud’ora hAlonid’a, mi dum ala: Gola! Ang sut wa da’. Ang dok le tcho d’uo d’a, kayam vama tcho ma kal ma wana mi lang nguo d’a.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.