Ndumba 16:46 - Bible azumeina

⁴⁶ Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Ndumba 16:46 Kruisverwysings

1 Sunda Hamuleinid’a 27:24

Jowap Seruya gorotna mi tin ad’ud’a á ndum suma, wani mi dabazi nga pet ti, kayam Ma didina hurum zal ngola yam Israel-lâ yam ndum mba a ndumuzid’a. Ni kayam ndata ba, a b’irizi nga ablau mazi kä kur Mbaktum mba de zlad’a yam Sunda hAmulâ David-ta d’uo ni na.

Sawal la giled’a 106:29

Azi zal hur Ma didina ki sun mazi d’a led’a; tugud’ei d’a tchod’a ti nde adigaziya.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Sunda hi suma hi Levi-nid’a 10:6

Moise mi de mi Aron azi ki groma Elazar ki Itamar ala: Agi welegi yagi woi d’i, agi hawâgi baru magina woi d’uo mi tala agi bogi d’uo d’a. Ar Ma didina hurum zal yam ablau suma petna d’uo mi. Agi aragi Israel suma petna a tchi mad’a b’oziyogi suma Ma didina mi ngalazi woina.

Sunda hi suma hi Levi-nid’a 9:24

Akud’a ti tcholï avok Ma didina, ti ngal vama ngat buzu ma ngala ki mbulâ akulo yam yima ngal ahle suma ngat buzuna woyo. Suma pet a wad’u, a er ad’uzi akulo, a le furîd’a, a grif kä, a kulup irazi kä andaga.

Habakuk 3:5

Nga mi sun tugud’eid’a tchod’a avoromu; nga mi he vuna mi matna mi tid’i ad’um mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Ndumba 1:53

Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.

Ndumba 11:33

Ata yima hliuna mi nga ved’a avunazi tua na, Ma didina hurum zal kazi ngola, mi tumuzi ki tugud’ei d’a tcho d’a tchi matna.

Ndumba 18:5

Agi ngomogi ahlena hi yima kud’orina kahlena hi yima ngal ahle suma ngat buzunina kayambala an hurun zal yam Israel-lâ d’uo d’a.

Ndumba 25:13

Vun ma djin máma mi arî kam kandjavam ma a mba vud’um bugolâ, a mba ka’î suma ngat buzuna gak didin, kayam mam tak yungôr mama woi yam an Alo mama, kayamba mi zlup yam tchod’a hi Israel-lîd’a.

Ndumba 25:8

mi i ad’u ma Israel-lâ krovo kur zlub’u mamba, mi tchogom katcha ndata huyogozi ki zla tazi djak. Ata yi máma tugud’ei d’a tcho d’a tchi matna ti ar bei tchi Israel-lâ.

Ndumba 8:19

An ni he suma hi Levi-na ki zla tazi pet mi Aron azi ki groma aduk Israel-lâ, kayam azi le sunda kur zlub’u d’a ngaf tad’a mi Israel-lâ tala a zlubuzi yam tcho mazid’a d’a. Hina wani, tugud’ei d’a tchod’a mba d’i tum Israel-lâ ata yima azi mba hud’ï go ata yima a tinim iram vamina d’i.

Gat ta a hat á mbàd’id’a 9:22

Adjeu d’a ei mbei Tabera, Masa ki Kibrot-Hatava-d’a, agi zalagi hur Ma didina.