Ndumba 16:21 - Bible azumeina

²¹ Agi walagi tagi woi kablau sum ndazina, kayam an nga ni ngalazi woi ka tchetchem!

Ndumba 16:21 Kruisverwysings

Ad’u Tinda 19:13

kayam Ma didina mi sunumï kayam ami i b’lagam mbeyo. Ami b’lagam mi, kayam käl la suma a kal kam avok Ma didinid’a ti kal ngola heî.

Ad’u Tinda 19:14

Lot mi i fakuniyôm suma a nga tit yam gromina, mi dazi ala: Agi tchologi atogo zak! Agi buzugugi woi ata yima wana kayam Ma didina nga mi b’la’î azì máma. Wani akuniyôma a golomî d’igi mam dazi ni zla d’a sanda na.

Sawal la giled’a 73:19

Gola! Atogo hina zak a b’lak keyo, a dap pei abo mandar ma ngolâ.

Buzuk ka Abud’a 32:10

Ki tchetchemba, an hurun zal atazi heî. Ang aran lovota, an i ni dabazi woyo, an mba ni mbud’ung andjaf ma ngolâ.

Buzuk ka Abud’a 32:12

Le ang le hina ni, Ezipte-na a mba dala: Mi buzuguzi woi kur ambas sa Ezipte-d’a ná lazi tchod’a, ná tchazi woi yam ahinad’a, ná dabazi woi yam andagad’a doliyo! Ma didina, ar hurung b’lengâ, ar ang le sum mangâ tchod’a d’i.

Buzuk ka Abud’a 33:5

Ma didina mi de mi Moise ala: Ang de mi Israel-lâ ala: Alona mi dala: Agi ni suma bei hum vuna. Le an nga ni tit adigagi tetewu ni, an mba ni dabagi tchid’a woyo. Agi yogi ahle magi suma djif suma atagina woyo. Hina wani, an mba ni we vama ni lum ki sed’egina.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Jeremi 5:16

Azì yeû mazid’a vunat nga ngod’a woi d’igi zul la tos matna na, azi pet ni grang suma dur ayîna.

Ndumba 14:12

An nga ni tumuzi ki tugud’ei d’a tcho d’a tchi matna ni dabazi woyo, an mba ni lang andjaf ma ngol ma kalazi kablaud’ina, ma kalazi ki sib’ikina mi.

Ndumba 14:15

Le ang tchi sum mangâ woi d’igi sama tuna na ni, suma a hum zla mangina a mba dala:

Ndumba 16:20

Ma didina mi de mi Moise azi ki Aron ala:

Ndumba 16:45

Agi walagi tagi sä woi dei kablau ndata, an nga ni ngalazi woi ka tchetchem. Moise azi ki Aron a grif kä andaga.

Ndumba 17:10

Ma didina mi de mi Moise kua ala: Ang hulong totogod’a hi Aron-nda kä avok zanduk mana. Ti mba d’i mbut ni vama ge humba mi Israel suma yam mba ad’enga. Hina wani, ang mba d’el vun gureî d’a azi nga guruyôt kanda, azi mba ar bei bod’a mi.

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Vama ndum mbeina 18:4

An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.