Ndumba 16:18 - Bible azumeina

¹⁸ Kore ki sum mama a hum zla ndata. Nge nge pî mi hle va mam ma yo akud’a mi tchuk gordjona kuru, mi tchuk dubang ma his djivid’ina kad’u, a mba tchol avun zlub’u d’a ngaf tad’a. Moise azi ki Aron a mba mi.

Ndumba 16:18 Kruisverwysings

2 Sunda Hamuleinid’a 26:16

Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina.

Sunda hi suma hi Levi-nid’a 16:12

Mi hle vama yo akud’a, mi oyôm ki gordjo ma hîhîk ma akulo yam yima ngal ahle suma ngat buzuna avogon an Ma didinina, mi yo dubang ma his djivid’a ma a giligima hur abom tutuk mbà, mi i ki sed’em bugol baru d’a ka ira.

Sunda hi suma hi Levi-nid’a 16:13

Mi tchugum yam akud’a avogon an Ma didina, kayam andozom mi d’us mi kulup yam yima we hohou ma akulo yam zanduk ma glangâsîna. Hina wani, mam mba mi mit ti.

Ndumba 16:17

Ang ki sum mang suma kikis mbà yam dok vahlâ, nge nge pî mi hle va mam ma yo akud’a abomu, mi ge dubang ma his djivid’ina kuru, agi i tagagizi avok Ma didina. Ang ki Aron agi yogi magina na mi.

Ndumba 16:19

Kore mi tok ablaud’a hi Israel-lîd’a pet kä avorozi avun zlub’ud’a. Ata yi máma subura hi Ma didinid’a ti nde woi ir ablaud’a pet.

Ndumba 16:37

Ang de mi Elazar ma ngat buzuna Aron goroma, mi yo ahle suma yo aku suma kawei suma akud’a ngalazina, mi yak aku d’a kuruzid’a woi dei, kayam ahle ndazina a mbut nahle suma a tinizi irazi vazina.

Ndumba 16:48

Mi tchol aduk suma matna ki suma arina. Tugud’ei d’a tchod’a ti arazi bei tchid’a.