Ndumba 16:15 - Bible azumeina

¹⁵ Moise hurum zal ngola yam zla ndata, mi de mi Ma didina ala: Ang ve he d’a hawa mazid’a abozi d’i. An hle nga va mazi d’i, koro tu pî an ve nga d’i, an lazi nga vama tcho yan tu d’uo mi.

Ndumba 16:15 Kruisverwysings

2 Samuel 22:22

Kayam an nga ni tit kur lovota hi Ma didinid’a an le nga asa’ata avok Alo mana d’i.

Buzuk ka Abud’a 32:19

Kid’a mi mba go ki kangîd’a, mi we amuhl ma azi yoroma ki suma a nga lü ndjongîna. Moise hurum ka woi kamas, mi tchuk ahina d’a tchet ta bebed’e d’a abomba woyo, ti to woi kä ad’u ahinad’a.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

Ndumba 12:3

Wani Moise ni sama luluma ma kal suma yam andagad’ina petna.

Ndumba 16:16

Moise mi de mi Kore ala: Ang ki sum mangâ pet agi igi avin avok Ma didina zlapa ki Aron mi.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Marik 3:5

Mi pret tam mi golozi ki zlazi pet, hurum zal ngola, kayam me mi fe hur ma wurana yam hur mazi ma b’ala. Mi de mi sa máma ala: Ang mat abong ngeyo. Mi mad’am mbeyo; abom mbut blangâm ma adjeuna.

1 Korente-na 9:15

Wani an le nga na d’i! An nga ni b’irigi ni kayambala an halî va abogiya d’a d’i. Le sana nga mi las vama an nga subur tan kama ni, an mit pî ni hotei.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 7:2

Ar agi tinigi hurugi kamiya. Ami lami nga vama tcho mi sa d’i, ami b’lagami nga sa d’i, ami hlami nga va hi sa kad’eng nguo mi.

Efes-sâ 4:26

Le hurugi zala ni, agi lagi tchod’a d’i. Ar afata nigigi kayî magi ma djulula d’i.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.