Ndumba 15:9 - Bible azumeina

⁹ a mba kafut ta adiged’id’a ir kilona zlengâ d’a a tib’eget ki mbulâ lidirâ hindid’a yam amuhl máma

Ndumba 15:9 Kruisverwysings

1 Sunda Hamuleinid’a 21:23

Ornan mi de mi David ala: Ang vumu! Salana amul mana, ang le vama hurung minima. Gola! An hang amuzleina wana ni yam he d’a hawa d’a ngala, agu pusâ ki dju’â a nagu ma ngala, awuna ni yam he d’a hawa d’a afuta mi. Wan pet, an hangzi ni mi angû.

Nehemi 10:33

yam avungô ma a tinim iram vama, yam afut ta a hat he d’a hawa d’a burâ ki burîd’a, yam he d’a hawa d’a ngal la a hat kur bur ma sabatna teteud’a, kur bur ma tilâ deîna, kur bur ma luna mi, yam ahle suma a tinizi irazi vazina, yam he d’a hawa d’a ngat buzuna á zlup yam tchod’a hi Israel-lîd’a, yam ahle suma a nga lazi kur gong nga kud’ora hAlo meinina pet mi.

Ezekiyel 42:13

Sa máma mi dan ala: Hur gongîyo suma nga abo ma norâ ki gongîyo suma nga abo ma sut suma nga avun atrang nga krovod’ina pet ni suma a tinizi irazi vazi mAlonina. Suma ngat buzu suma ndak á kal kur gong nga kud’ora hi Ma didinid’ina, a ndak á tahle suma a hazi he d’a hawad’a suma a tinizi irazi vazina kur gongîyo ndazina. Kayam a tin gongîyo ndazina irazi vaziya, suma ngat buzuna a ndak á tchuk ahle suma a hazi he d’a hawad’a suma a tinizi irazi vazina kua, nala, he d’a hawa d’a afuta kahle suma ding suma a hazi he d’a hawa d’a ngat buzuna teteng á fe hur ma vata yam tchod’ina mi.

Ezekiyel 46:11

Ma didina mi de kua ala: Kur bur ma vun tilâ d’oze kur bur ma kud’urona, agi hagi gemena kilona dok hindi yam amuhlâ d’oze yam gamlâ ma lara ma a hum he d’a hawa d’a ngatina. Wani he d’a hawa d’a yam gro tumiyônid’a nge nge pî mi he gemena d’igi mam nga hurum na. Agi hagi mbulâ lidirâ karagaya yam geme ma kilona dok hindi ma lara ge pet mi.

Ezekiyel 46:15

Yorogo d’a lara pî a he gor timina tu, afuta ki mbulâ he d’a hawad’a mi an Ma didina burâ ki burâ.

Ezekiyel 46:5

Mi he gemena kilona dok hindi he d’a hawad’a yam gamlâna zlapa ki geme ma mi nga hurum kama, mi he mbulâ lidirâ karagaya yam geme ma kilona dok hindi ma lara ge pet mi.

Ezekiyel 46:7

Mi he gemena kilona dok hindi yam gor amuhlâ yam gamlâna mi, zlapa ki geme ma mi nga hurum kama yam gro tumiyôna, mi he mbulâ lidirâ karagaya yam geme ma kilona dok hindi ma lara ge pet mi.

Joel 1:9

A mbeï nga ki he d’a hawa d’a afuta ki he d’a hawa d’a süm guguzlud’a kur gong nga kud’ora hi Ma didinid’a d’i. Ni kayam ndata ba, suma ngat buzu suma a nga le sunda mi Ma didinina a nga tchiya.

Joel 2:14

Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Sunda hi suma hi Levi-nid’a 14:10

Kur bur ma klavandina, mi yo gro tumiyô suma bei dakina mbà, timi d’a bizat tu d’a bei dakid’a ki he d’a hawa d’a afut ta a tib’eget ki mbulîd’a kilona zlengâ, ki mbulâ nus lidirâ mi.

Sunda hi suma hi Levi-nid’a 6:14

A tib’eged’u, a yat aku ki mbulâ kur halâ, a wizeget kä woi gegeleng á hat he d’a hawa d’a yid’a d’igi vama his ma afufuîna na, mi an Ma didina.

Sunda hi suma hi Levi-nid’a 7:37

Wana ni gat ta yam ahle suma ngat buzu suma ngalina, yam he d’a hawa d’a afuta, yam ahle suma ngat buzu suma zlup yam tchod’ina, yam ahle suma a hazi yam sama zlad’a kama, yam ahle suma a tinizi irazi vazina, yam ahle suma ngat buzu suma zlap darigïd’ina mi.

Ndumba 15:10

zlapa ki süm guguzlud’a lidirâ hindi. Ni he d’a hawa d’a ngal la his sa afufuîd’a avoron an Ma didinid’a.

Ndumba 15:8

Le a han namuhlâ vama ngat buzu ma ngala d’oze vama ngat buzu ma zlap darigïd’a d’oze á ndak vun vun ma hled’a d’oze vama ngat buzu ma hawana ni,

Ndumba 28:12

Agi mbagi kafut ta adiged’i d’a a tib’eget ki mbulîd’a kilona zlengâ yam amuhlâ, agi mbagi kafut ta adiged’i d’a a tib’eget ki mbulîd’a kilona karagaya yam gamlâna,

Ndumba 28:14

Agi hagi he d’a hawa d’a süm guguzlud’a lidirâ yam amuhlâ, lidirâ mbà yam gamlâna, lidirâ tu ki nusa yam gor timina mi. Wana nahle suma ngat buzu suma ngal suma agi mba hazi kur bur ma avok kikidjina hi til ma lara ge kur bizad’a petna.

Ndumba 29:6

Ahle suma ngat buzu ndazina pet, agi hazi ni zlapa ki he d’a hawa d’a ngal la a hat kur bur ma avo’â hi til ma lara ge petna zlapa ki he d’a hawa d’a ngal la didinda ki he d’a hawa d’a afuta ki he d’a hawa d’a süm guguzlu d’a yam vun ma he ma a huma. Wana ni he d’a hawa d’a ngal la his sa afufuîd’a mi an Ma didina.

1 Samuel 1:24

Ata yima ndat aram bei haponina, ti i ki sed’em kur gong nga kud’ora hi Ma didinid’a avo Silo. Azi ki ndjuvut a vamuhl ma bizam hindina, a hlafuta go ki kilona dok mbà yam mbà, a hle süm guguzlud’a agela tu.