Ndumba 15:3 - Bible azumeina

³ agi mba handi vama ngat buzu ma ngala, d’oze vama ngat buzu ma zlap darigïd’a, d’oze vama ngat buzu ma ndak vun vun ma hled’a, d’oze he d’a hawa d’a kur min magid’id’a, d’oze ata yima vun le tilâ. Le ni d’uwar ma nglona d’oze ma gureina á his his ma afufuîna avoronu ni,

Ndumba 15:3 Kruisverwysings

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Esdras 7:17

Kayam ndata, ang ngom bege ndata djivid’a, ang gus amuzlei suma andjofâ, gamlâna, gro tumiyôna kahle suma ndak yam he d’a hawa d’a afutina, ki d’a süm guguzlud’a kahle suma ndak á he he d’a hawad’ina, ang hazi yam yima ngal ahle suma ngat buzuna kur gong nga kud’ora hAlo magina d’a nga Jerusalem-mba.

Sawal la giled’a 54:6

Wani Alo mana, ang nga ndjununu; Ma didina, ang nga siran ngingring mi.

Buzuk ka Abud’a 29:18

Ar ang ngalam mbei yam yima ngal ahle suma ngat buzuna ki zla tam pet. Wana ni vama ngat buzu ma ngala mi an Ma didina; ni vama his ma afufuîna avoronu.

Buzuk ka Abud’a 29:25

Ang hulong vazizi aboziya, ang ngalazi yam yima ngal ahle suma ngat buzuna akulo yam vama hum á ngala woi petna. Wana ni vama ngat buzu ma ngala avogon an Ma didina; ni vama his ma afufuî ma lan tan djivid’ina mi.

Buzuk ka Abud’a 29:41

Ata yima ang mba ki timi ma fladegena á ngatina, ang mba kafut ta adiged’id’a kilona tu ki nusa, mbul ma d’igila hirwilingâ nus lidirâ ki süm guguzlud’a nus lidirâ mi. Ang ngalaziya. Ni vama his ma afufuîna avogon an Ma didina.

Sunda hi suma hi Levi-nid’a 10:13

Agi tagizi nata yima tu ma a tinim iram vama, ni b’raud’a kagi agi ki grongâ aduk ahle suma a hazi he d’a hawa d’a ngala avok Ma didinina. Wana ni vama Ma didina mi han vuna kama.

Sunda hi suma hi Levi-nid’a 27:2

Ang i de mi Israel-lâ ala: Le sana mi hle vunam á he sana mi an Ma didina, le bugol mi min á sut tam yam vun ma hle máma ni, mi ndumî gusa hi sa mámid’a, mi hat mi an Ma didina, mi sut tamu.

Sunda hi suma hi Levi-nid’a 7:16

Le sana mi he he d’a hawad’a yam vunam ma mi hluma, d’oze mi he ni he d’a hawa d’a kur min mambid’a ni, mi mut hliu máma ni kur bur ma mam hum kuana. Le mi ar akulo ni, mi mud’um avin yorogo.

Ndumba 28:27

Agi hagi he d’a hawa d’a ngal la his sa afufuîd’a mi an Ma didina amuzlei suma azungeîna mbà, gamlâna tu ki gro tumiyô suma bizazi tutuna kid’iziya,

Ndumba 29:8

Agi hagi he d’a hawa d’a ngal la his sa afufuîd’a mi an Ma didina amuhlâ tu, gamlâna tu ki gro tumiyô suma bizazi tutu suma bei dakina kid’iziya mi.

Ndumba 6:15

Mi mba kavungô ma a lum bei angufina kayad’a tu, fangasu ma a lum kafut ta adiged’i d’a a tib’eget ki mbulîd’a, kak ma a lum bei anguf ma a yamam mbulâ kama, ki he d’a hawa mazi d’a afuta zlapa ki he d’a hawa mazi d’a süm guguzlud’a mi.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

2 Korente-na 2:15

Kayam ami ni d’igi his ma djivi ma afufuîna hi Christ-sâ na avok Alona, aduk suma a nga fe sutina, aduk suma a nga ba woina mi.

2 Korente-na 2:16

Ir suma a nga ba woina, ami ni his ma tcho ma tchi matna. Ir suma a nga fe sutina, ami ni his ma djivi ma sut sumina. Sama ndak á le sun ndata ni nge?

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Gat ta a hat á mbàd’id’a 12:17

Agi ndak nga á tagi dima hawu maginina d’oze hi süm guguzlu magid’ina d’oze hi mbul mangîna d’oze d’uwar magi ma nglona ki ma gurei ma vut avo’â d’oze he d’a hawa d’a ndak vun vun ma hled’id’a d’oze he d’a hawa magi d’a kur min magid’id’a d’oze vun ahle magi suma agi hazina kä avo hatagi d’i.

Gat ta a hat á mbàd’id’a 12:6

Ni kua kolâ ba, agi mba hagi he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle magi suma agi hazina, he d’a hawa magi d’a á ndak vun vun ma hled’id’a, he d’a hawa d’a kur minda hi sanid’a zlapa ki d’uwar magi ma nglona ki d’uwar magi ma gurei ma vut avo’â mi.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.