Ndumba 15:29 - Bible azumeina

²⁹ Gat ndata ni yam suma pet suma a mba le tcho d’a bei wat ad’utina, yam Israel-lâ d’oze yam angei ma nga kaka adigagina mi.

Ndumba 15:29 Kruisverwysings

1 Amuleina 8:41

Wani le angei ma nga nandjaf mang suma Israel-lâ d’uo na, mi tcholï yam ambas sa deid’a yam simiyêngû,

Buzuk ka Abud’a 12:49

Gat ndata mba d’i arî kaka adigagi hina yam gor vuta d’oze yam angei ma mba mi kak adigagina.

Sunda hi suma hi Levi-nid’a 16:29

Wana ni gat ta didin nda kagid’a: Kur bur ma dogona hi til ma kid’iziyana, agi d’elegi tagi bei te tena, agi tugugi tagi bei le sunda, agi tagid’a kangei ma nga kaka adigagina.

Sunda hi suma hi Levi-nid’a 17:15

Le ma Israel ma lara d’oze angei ma nga kaka adigagina, mi mut vama mitna d’oze ma vana mi vuma ni, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege. Ni hina tua ba, mi mbut yed’et.

Sunda hi suma hi Levi-nid’a 4:2

Ang i de mi Israel-lâ ala: Le sana mi le tchod’a bei min mamba, le mi tchila yam vun man ma he ma ding tu, le mi le tcho d’a ndak á led’a d’uo d’a ni, ar mi le hina:

Ndumba 15:15

Gat ndata mba d’i ka’î yam ablaud’a pet, yam agi Israel-lâ d’igi yam angoyogeina na mi. Mba d’i ka’î gat ta irata kur atchogoi d’a lara ge pet ta nga d’i mbad’a. An Ma didina nga ni le ki Israel-lâ vazi mi, ni le kangoyogeina vazi mi d’i.

Ndumba 15:28

Ma ngat buzuna mi zlup yam tcho d’a sa máma mi lat bei wat ad’ut avogon an Ma didinid’a. Ata yima a zlubut yatna, an mba ni vat hurun ndei kamu.

Ndumba 15:30

Wani le ni ma Israel-lâ d’oze angeina, mi le tchod’a kur min mamba ni, mi golon ni is; a mba pad’am mbei aduk sum mama.

Ndumba 9:14

Le angei ma nga kaka adigagina mi le vun til ma Pa’â hi an Ma didinina ni, mi lumî d’igi gata ki vun man ma hed’a a de kam na. Gat ndata ni tu kagi agi pet, yam gor vuta, yam angeina mi.

Wana ni Zla d’a Djivi d’a Luc mi b’irita 12:48

Wani sama we nga d’uo na, mi le vama ndak á tod’a, a mba tom akid’eid’a. Sama a hum ahlena ngolina, a mba djobom ahlena ngola; sama a hum ahlena ngola á ngombina, a mba djobom ahlena ngola kala.

Josue 8:33

Israel-lâ ki mazi suma nglona ki mazi suma avorozina ki mazi suma ka sariyad’a zlapa kangoyogeina pet, a nga tchola gen zandu’â hi Ma didinina, abo hî abo hî avok suma ngat buzu suma hi Levi suma a nga zi zandu’â hi Ma didinina mi. Suma hiuna a nga tchola gen ahina d’a Garizim-mba, suma hiuna a nga tchola gen ahina d’a Ebal-la, d’igi Moise azongâ hi Ma didinina mi he vuna adjeu dei á b’e vuna yam Israel-lâ na.