Ndumba 14:2 - Bible azumeina

² Ablau suma Israel-lâ pet a nde gureî yam Moise azi ki Aron, a dazi ala: Ami bomiza adjï navo Ezipte ni hotei, d’oze bomi nabagei hur fulâ ka hî pî ni hotei mi!

Ndumba 14:2 Kruisverwysings

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

Wana ni mbaktumba hi Job-pa 3:11

Ni kayam me ba, an mit sä kur asun nduo ge? Ni kayam me ba, muzugan mi dap sä ata yima an ndei woi kurutna d’uo ge?

Sawal la giled’a 106:24

Bugola, azi gol ambas sa djivid’a is, azi he nga gagazid’a yam zla mam mba ded’a d’i.

Sawal la giled’a 106:25

Azi nde gureîd’a kur zlub’u mazid’a teteng, azi ge nga yazi kä ad’u dela hi Ma didinid’a d’i.

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Buzuk ka Abud’a 14:11

A de mi Moise ala: Na ni yima tos matna nga avo Ezipte d’uo zu? Ni kayam me ba, ang yomï á tchid’a woi abagei hur fulâ ge? Ni kayam me ba, ang buzugumï woi avo Ezipte ge?

Buzuk ka Abud’a 15:24

Ablau suma a nde gureî yam Moise, a nga dala: Ei mba tchei hî ni me ge?

Buzuk ka Abud’a 17:3

Sum ndazina vun ma sod’a mi kal ataziya, a nga gureî yam Moise, a dum ala: Ni kayam me ba, ang buzugumï woi kur Ezipte á tchami woi ki vun ma sod’a ki gromina ki d’uwar mamina mi ge?

Jonas 4:3

Ki tchetchemba, Ma didina, ang tchanu! An mit pî ni hotei, kal la an kak ki iranda!

Jonas 4:8

Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!

Ndumba 11:1

Israel-lâ a nga gureî gureî d’a tchod’a yam Ma didina. Ma didina mi huma, hurum zal ngola, mi sunï akud’a adigaziya. Ti ngal vun kangâ woi burut.

Ndumba 11:15

Le ang lan ni na ni, hotei ang tchanu. Le ang wan hohowonu ni, ar an we ndak manda ki iran ndi.

Ndumba 11:5

Humami nga gami yam kulufâ, kurduna, bubud’a, poirod’a, pazara ki tumba suma avo Ezipte suma ami tazi bei gusa ba na.

Ndumba 14:1

Ablau Israel-lâ pet a nde tchina ki delezi akulo kur andjege ndata gak yina fo.

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Ndumba 16:13

Na ni ni vama gorâ irang d’a ang buzugumï woi kur ambas sa ambira ki mbul ayuma a nga sor kä kua d’a á tchami woi abagei hur fulâ ka hî d’a zu? Tua ba ang min á te kami kad’enga kua zu?

Ndumba 16:41

Tcha ndjivinda ablaud’a hi Israel-lîd’a a nde gureî yam Moise azi ki Aron, a dazi ala: Ni agi ba, tchagi suma hi Ma didinina woyo!

Ndumba 17:6

Moise mi de zla ndata mi Israel-lâ. Suma nglo suma avorozina, nge nge pî mi hum totogod’a yam andjavam gagang; tutuguyona pet ni dogo yam mbà, d’a hi Aron-nda nga aduk mi.

Ndumba 20:2

Mbina mi nga kua yam ablau suma d’i. Kayam ndata, azi tchol djangûna ki Moise azi ki Aron.

Ndumba 20:3

Suma pet a nga hal Moise huneîd’a, a dum ala: Ni kayam me ba, ami bomi woi d’igi b’oziyomina a bo woi avok Ma didina na d’uo ge?

Ndumba 20:4

Ni kayam me ba, agi yomï ami ablaud’a hi Ma didinid’a abagei hur fulâ ka hî á tchami woi ki d’uwar mamina mi ge?

Ndumba 21:5

a nde gureîd’a yam Alona azi ki Moise, a dala: Ni kayam me ba, agi buzugumï woi kur ambas sa Ezipte-d’a á tchami woi abagei hur fulâ ka hî ge? Kayam vama te nga d’i, mbiyo ma tche nga d’i, avu ma tcho máma, mi mbut avunami tchod’a mi!

1 Korente-na 10:10

Ar agi guruyôgi d’igi suma dingâ adigazi a gureî hina ba malaika ma tchi suma b’lagazi woi na d’i.

Gat ta a hat á mbàd’id’a 1:27

Agi guruyôgi kur zlub’u magid’a, agi dagi ala: Ni kayamba Ma didina hurum vei nga d’uo ba, mi buzugi woi avo Ezipte á hei abo suma Amor-râ á tchi woi wana.

Gat ta a hat á mbàd’id’a 9:23

Kid’a ei nga kur Kades-Barneya-d’a, Ma didina mi suni mi dagi ala: Agi i hlagi ambas sa an nga ni hagizid’a. Ata yi máma, agi gagi nga yagi kä ad’u vun ma hed’a hi Ma didina Alo maginina d’i. Agi hagi nga gagazid’a kam mbi, agi gagi nga yagi kä ad’u zla mamba d’uo mi.

Hebre-na 3:16

Ni suma lara ba, a hum del Alona, a kak djangûna ki sed’em ge? Ni suma Moise mi buzuguzi woi kur Ezipte na d’uo zu?

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.