Ndumba 14:19 - Bible azumeina

¹⁹ An nga ni tchenengû, ang vat hurung ngei yam tchod’a hi sum mangîd’a yam djivi mang nga ngola d’igi ang vad’ï hurung ngei kazi kur buzuk mazi d’a Ezipte-d’a dei gak ini na.

Ndumba 14:19 Kruisverwysings

1 Amuleina 8:34

ang Ma didin ma sä akulona, ang humuziya, ang vat hurung ngei yam tcho mazid’a, ang hulongôzi andaga d’a ang hat mabuyozi ngolod’a mi.

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Sawal la giled’a 85:2

Ma didina, ang we hohowa ambas manga, ang hulongî andjafâ hi Jakob suma a yozi magombina.

Buzuk ka Abud’a 32:32

Ki tchetchemba, an nga ni tchenengû, ang vat hurung ngei yam tcho mazid’a. Le d’uo ni, ang tchan simiyên ma ang b’irim kä kur mbaktum mangina woyo.

Buzuk ka Abud’a 33:17

Ma didina mi de mi Moise ala: An mba ni ndak vun zla d’a ang data, kayam an wang hohowongû, an wang ki simiyêng mi.

Buzuk ka Abud’a 34:9

Mi dum ala: Salad’a, le ang wan hohowonu ni, ar ang tit adigamiya, kayam sum ndazina ni suma bei hum vuna, ang vat hurung ngei yam tchila mamid’a ki tcho mamid’a, ang mbud’umi sum mangâ mi.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Daniel 9:19

Salad’a, ang humumiya; Salad’a, ang vat hurung ngei kamiya; Salad’a, ang tin humangû; Alo mana, yam o manga, ang le lilinga d’i, ang we hohowa azì ma ngol ma wana ki mang suma ang tinizi irazi vazina.

Amos 7:2

Ata yima djera ti dap asu ma yam ambasina ted’a petna, an dala: Salad’a Ma didina, an nga ni tchenengû, ang vat hurung ngei yam sum mangâ. Le d’uo ni, azi mba arî na na ge? Kayam ad’engêzi d’i nga ngol li.

Amos 7:5

Ata yi máma an dala: Salad’a Ma didina, an nga ni tchenengû, ang ar hina go! Le d’uo ni, sum mangâ a mba arî na na ge? Kayam ad’engêzid’a d’i nga ngol li.

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.