Ndumba 14:10 - Bible azumeina

¹⁰ Ablau d’a peta ti dala: Ei duruzi kahinad’a á tchazi woyo. Ata yi máma na wat subura hi Ma didinid’a ti b’o woi ir Israel-lâ yam zlub’u d’a ngaf tad’a.

Ndumba 14:10 Kruisverwysings

Buzuk ka Abud’a 16:10

Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula.

Buzuk ka Abud’a 16:7

Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?

Buzuk ka Abud’a 17:4

Moise mi nde tchina yam Ma didina, mi dum ala: An le ni nana ki sum ndazina ge? Ar hina nde tala azi durun kahinad’a d’a.

Buzuk ka Abud’a 40:34

Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Sunda hi suma hi Levi-nid’a 9:23

Moise azi ki Aron a tchuk kur zlub’u d’a ngaf tad’a. Ata yima a buzuk kei abuna, a b’e vunazi yam suma. Ata yi máma Ma didina mi tak subur mamba woi avok suma pet.

Ndumba 16:19

Kore mi tok ablaud’a hi Israel-lîd’a pet kä avorozi avun zlub’ud’a. Ata yi máma subura hi Ma didinid’a ti nde woi ir ablaud’a pet.

Ndumba 16:42

Ata yima ablaud’a a tok tazi á gureî yam Moise azi ki Aron-na, a mbut irazi a nga gol zlub’u d’a ngaf tad’a. Gol wani, d’ugula ti dugut yad’u, subura hi Ma didinid’a ti nde woi abua.

Ndumba 17:7

Moise mi tchuk tutuguyo ndazina kä avok zandu’â hi Ma didinina kur zlub’ud’a.

Ndumba 20:6

Moise azi ki Aron a ar ablaud’a, a i kur zlub’u d’a ngaf tad’a, a puk kä ki irazi andaga. Subura hi Ma didinid’a ti nde tat tei iraziya.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Sunda hi suma a sunuzinid’a 7:59

Kid’a azi nga dur Etienne kahinad’a tua d’a, mi tchen ala: Salad’a Jesus, ang hlan muzuganu.

1 Samuel 30:6

David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.