Ndumba 13:27 - Bible azumeina

²⁷ Wana ni zla d’a azi dat mi Moise-sa: Ami mbamiza yam ambas sa ang sunumi kata. Gagazi, ambas ndata nambas sa ambira ki mbul ayuma a nga sor kä kuad’a. Wana ni vud’agu ma katna mi.

Ndumba 13:27 Kruisverwysings

Nehemi 9:25

Azi yo azì ma nglo ma a minim ad’enga ngunguna kandaga d’a tub’ad’a mi, a yo azì ma nglo ma nga oîd’a kahle suma djivinina, golongeîna, guguzlud’a, agu olifâ kagu ma vuta ablaud’a mi. A te, a hoba, a d’ora, a kak kur duzîd’a ni yam djivi mang nga kal teglesa.

Buzuk ka Abud’a 13:5

Fata Ma didina mi kalagi kur ambasa hi suma Kanan-na, hi suma Het-na, hi suma Amor-râ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kua d’a mi gun tam kat mabuyogi ngolo á hagizid’a, agi lagi vun til máma mi Ma didina kur til máma.

Buzuk ka Abud’a 3:17

Alona mi dan kua ala: An mba ni buzugugï woi avo Ezipte ata yima agi nga fagi ndaka kuana á i ki sed’egi yam ambasa hi suma Kanan-na, hi suma Het-na, hi suma Amor-râ, hi suma Peris-sâ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kuad’a.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Buzuk ka Abud’a 33:3

Agi igi yam ambas sa ambira ki mbul ayuma a nga sor kä kuad’a. Wani an nga ni i ki sed’egi tala an dabagi woi lovot tuo d’a, kayam agi ni suma bei hum vuna.

Jeremi 11:5

Hina wani, an mba ni ndak vun gun ta d’a an gun tan mabuyogi ngolo á hazi ambas sa ambira ki mbul ayuma a nga sor kä kuad’a d’igi agi nga wagizi ini na. An hulong dum ala: Amin, Ma didina!

Jeremi 32:22

Ang haziya wa ambas sa ang gun tang kat mabuyozi ngolo á hazizid’a. Nambas sa ambira ki mbul ayuma a nga sor kä kuad’a mi.

Ezekiyel 20:15

Ni an ba ni hlabon akulo hur fulâ, ni gunuzi tan ala an mba ni izi yam ambas sa an hazizi d’a ambira ki mbul ayuma a nga sor kä kua d’a djif fa kal ambas sa ding nga peta d’i.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.

Sunda hi suma hi Levi-nid’a 20:24

An dagi ala: Ni agi ba, mba hlagi ambas mazid’a; an mba ni hagiziya. Nambas sa ambira ki mbul ayuma a nga sor kä kuad’a. An ni Ma didina Alo magi ma walagi woi kandjaf suma dingîna.

Ndumba 14:7

a de mablau Israel-lâ ala: Ambas sa ami tid’imi kat á d’ud’id’a nambas sa djivi d’a kal papad’a.

Ndumba 14:8

Le Ma didina mi wei hohoweya ni, mi mba kalei kur ambas ndata, mba mi heizi mi. Ambas ndata nambas sa ambira ki mbul ayuma a nga sor kä kuad’a.

Ndumba 16:13

Na ni ni vama gorâ irang d’a ang buzugumï woi kur ambas sa ambira ki mbul ayuma a nga sor kä kua d’a á tchami woi abagei hur fulâ ka hî d’a zu? Tua ba ang min á te kami kad’enga kua zu?

Ndumba 16:14

Ang imi nga kur ambas sa ambira ki mbul ayuma a nga sor kä kuad’a d’i! Ang hami nga asinena ki guguzlud’a djona d’i! Ang djib’er ala sum ndazina a ni duka zu? Ami min imi d’i!

Gat ta a hat á mbàd’id’a 11:9

kayambala agi tagi tatâ yam ambas sa Ma didina mi gun tam kat mabuyogi ngolo á hazizi kandjavaziya d’a. Nambas sa ambira ki mbul ayuma a nga sor kä kuad’a.

Gat ta a hat á mbàd’id’a 26:9

Mi tini kur yima wana, mi hei ambas sa wanda nambas sa ambira ki mbul ayuma a nga sor kä kuad’a.

Gat ta a hat á mbàd’id’a 27:3

Fata agi djagagi alum ma Jurdê-na á kalagi yam ambas sa ambira ki mbul ayuma a nga sor kä kua d’a Ma didina Alo magina mi hle vunam kat mabuyogi ngolo á hagizid’a, agi b’irigi vun ma hed’a hi gatina ata ahuniyô ndazina.

Gat ta a hat á mbàd’id’a 31:20

Kayam an mba ni kal ki sum ndazina kur ambas sa an hle vunan kat mabuyozi ngolo á hazizid’a, nambas sa ambira ki mbul ayuma a nga sor kä kuad’a. Azi mba te, a mba hoba, a mba d’ora. Bugola, azi mba mbut irazi ata alo ma dingâ á kud’uromu, a mba lan tchod’a, a mba but vun ma djin ma an djinim ki sed’ezina woi mi.

Gat ta a hat á mbàd’id’a 6:3

Agi Israel-lâ, agi humugiya, agi ngomogiziya, agi tid’igi kazi mi kayambala agi kagagi ki furîd’a, agi zulugi ngola d’igi Ma didina Alona habuyogi ngolona mi de na kur ambas sa ambira ki mbul ayuma a nga sor kä kuad’a d’a.

Josue 5:6

Kayam Israel-lâ a le biza d’a abagei hur fulâ dok fid’i ki tita, gak suma dur ayî suma a buzugï woi avo Ezipte suma a hum nga vun Ma didina d’uo na, a dap peyo. Kayam Ma didina mi gunuzi tam ala azi mba kal kur ambas sa ambira ki mbul ayuma a nga sor kä kua d’a mi hle vunam kat mabuyozi ngolo á heizid’a d’i.