Ndumba 13:20 - Bible azumeina

²⁰ Agi i gologiziya, nandaga d’a tub’ad’a d’oze d’a bei tub’ad’a, aguna nga kua d’oze mi nga kua d’uo zu? Agi igiya, agi vagi tagi ad’enga, agi mbagi ki vud’agu ma yam ambas ndatina abogiya. Kayam ni yima a tin ad’u dut guguzlud’ina.

Ndumba 13:20 Kruisverwysings

1 Sunda Hamuleinid’a 22:11

Ki tchetchemba, gorona, ar Ma didina mi kak ki sed’engû, mi lang djivid’a. Ar ang min gonga mi Ma didina Alo mangâ d’igi mi hlan vunam kang na.

Nehemi 9:25

Azi yo azì ma nglo ma a minim ad’enga ngunguna kandaga d’a tub’ad’a mi, a yo azì ma nglo ma nga oîd’a kahle suma djivinina, golongeîna, guguzlud’a, agu olifâ kagu ma vuta ablaud’a mi. A te, a hoba, a d’ora, a kak kur duzîd’a ni yam djivi mang nga kal teglesa.

Nehemi 9:35

Kid’a azi nga kaka kur amul mazid’a yam ambas mazid’a tua d’a, a nga aduk ahle suma djivi suma ablau suma ang hazizina, a nga yam ambas sa bibini d’a tub’a d’a ang hazizid’a. Wan pî, a lang nga sun ndi, a ar nga sun mazi d’a tcho d’a a nga lata woi d’uo mi.

Ezekiyel 34:14

An mba ni polozi ata yima hat ma djivina, kangâ mazina mba mi ka’î akulo yam ahuniyô suma fuyogei suma yam ambas sa Israel-lina. Ata yi máma azi mba tuk tazi kur kangâ ma djivina, azi mba te hat ma gogot ma yam ahuniyô suma Israel-lîna mi.

Daniel 11:24

Ata yima suma a nga kaka tchugotna, mba mi i avok kur andaga d’a djivi d’a kur leud’id’a, mba mi le vama abuyom kabuyom ngolo a lum nga d’uo na, mba mi hurum ahle suma kur ambasina, mba mi b’rau ahle suma mi hurumuzïna ki ndjondjoîd’a mi suma ad’uma, mba mi nga hurum á ndazì ma ad’eng ma ngunguna durâ mi. Hina pet pî, mba mi i dei d’i.

Mise 7:1

Ni zla d’a hohoud’a kanu! An mbut ni d’igi sama mi tchi helena balum sumina na, d’igi sama mi tchi helena balum guguzlu d’a a dud’ut teid’a na, nga ni fe vud’a guguzlud’a á ted’a d’i, nga ni fe vud’a tulum ma awili ma an minima d’uo mi.

Ndumba 13:19

Agi i gologiziya, le nambas sa djivid’a d’oze d’a tchod’a, le suma nga kaka kurutna a ni kur kangâ d’oze kur gulumun ma ad’eng ma ngunguna.

Gat ta a hat á mbàd’id’a 1:24

Azi i djak yam ahinad’a gak a mbaza kur hor ra Eskol-la, a d’uï ambasa.

Gat ta a hat á mbàd’id’a 1:25

A yoï vud’agu ma yam ambas ndatina aboziya, a mba tageiziya, a dei ala: Ambas sa Ma didina Alo meina nga mi heizid’a nambas sa djivid’a!

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

Hebre-na 13:6

Kayam ndata, ei ndak á dei bei mandarâ ba ala: Ma didina ni ma nga ndjununa; an nga ni ring mandar ri. Sana mi lan ni me ge?

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 2:1

Kid’a azi nga Sitim-mba, Josue Nun goroma mi sun suma d’u yina ngumun mbà, mi dazi ala: Agi i d’ugi ambasa kazì ma Jeriko-na. Azi iya, a mbaza, a kal avo hatcha d’a gaulangâ a yat ala Rahap, a bur kua.

Josue 2:3

Ata yi máma amul ma Jeriko-na mi tchuk suma sunda ata Rahap, a dat ala: Ndak buzugumï suma a mba tchuk avo hata’â woi abua. Kayam azi mba ná we fed’a suma kur ambasina pet.