Ndumba 12:8 - Bible azumeina

⁸ An dum zlad’a ni vuna ki vuna, an tagam tan ni kur adïd’a d’i; nga mi golon tchola avoromu. Ni kayam me ba, agi nga lagi mandarâ á de zlad’a yam azong mana Moise suo ge?

Ndumba 12:8 Kruisverwysings

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Sawal la giled’a 49:4

Zla d’a nga d’i ndavunanda ni zla d’a irata, djib’er manda ni djib’er ra djivid’a.

Buzuk ka Abud’a 19:19

Adifa tchiyat nga mi b’ik kä b’ib’ik. Moise mi de zlad’a mAlona; Alona mi hulong dum zlad’a ki delem akulo mi.

Buzuk ka Abud’a 20:4

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Buzuk ka Abud’a 33:11

Ma didina mi de zlad’a ki Moise avun tazi d’igi sana mi de zlad’a ki banama na. Bugola, Moise mi hulong kur kangâ, wani azong mama Josue Nun goroma mi ar kaka krovo kur zlub’ud’a.

Buzuk ka Abud’a 33:19

Ma didina mi de mi Moise ala: An mba ni tagang djivi manda woi avorong pet, an mba ni yang simiyên an Ma didina woyo, an mba ni ve sumad’a ki sama an min vum sumad’ina, an mba ni we hohowa sama an min wum hohowoma mi.

Buzuk ka Abud’a 33:23

Bugola, an mba ni hlabon ndeyo, ang mba golondji ni blogonu, kayam sana mi ndak á wan iran ndi.

Buzuk ka Abud’a 34:30

Ata yima Aron azi ki Israel-lâ pet a we Moise-sâ, gol wani, iram nga d’i wile. Azi le mandarâ á hut gevemu.

Zla d’a d’ogolâ 1:6

Mi nga mi tak lovota á wäd’u d’ogolâ ki zla d’a ngad’a ki zla d’a mudurid’a hi suma ned’id’a ki zla mazi d’a tetenga mi.

Isai 40:18

Agi min á ngagi Alona ni ki me ge? Angus vama tchet ma vragam blangâma ni me ge?

Isai 46:5

Agi ngan ni ki nge ba, ami mba ndjagami tu ge? Agi ndjagan ni ki nge ba, ami mba ndjagami abo tami tu ge?

Ezekiyel 17:2

Ang gor sana, ang tin zla d’a mudurid’a kä avok Israel-lâ, ang dazi zla d’a d’ogola.

Wana ni mbaktumba hi Oze-d’a 12:13

Jakob mi ring yam andaga d’a Aram-mba, mi le sunda yam atchad’a, ni yam atchad’a ba, mi pol aho’â.

Ndumba 14:14

a de zla ndata mi suma kur ambas ndatina. Kayam ndata, azi hum ala ang Ma didina nga aduk sum mangâ, ang tagazi tang ira ki ira, ang tin d’ugul manga akulo kaziya, ang nga tit avorozi falei kur d’ugul la tchola gongzonga, ang nga tit andjege avorozi aduk aku d’a tchola gongzonga mi.

Ndumba 7:89

Ata yima Moise mi kal kur zlub’u d’a ngaf tad’a á de zlad’a ki Ma didinina, mi hum del la nga d’i dum zlad’a ei akulo yam yima we hohou suma ma nga tinda yam zandu’â hAlonina aduk tcherebêna mbà, ti dum zlad’a mi.

Matiye 13:35

Ahle ndazina a le hina á ndak vun zla d’a ma djok vun Alona mi dat ala: An mba ni mal vunan ndei á de zlad’a ki d’ogolâ, an mba ni de vama nga ngeid’a kä adjeu dei kad’u tinda handagad’ina woyo d’a.

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 15:15

An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

Gat ta a hat á mbàd’id’a 18:15

Ma didina Alo magina mba mi tchol ki ma djogom vunama tu ma adugï b’oziyogina ma d’igi an na na. Agi mba humugi zla d’a mam mba mi dagizid’a.

Gat ta a hat á mbàd’id’a 34:10

Ma djok vun Alona ma tchol aduk Israel-lâ d’igi Moise ma Ma didina mi wum ira ki ira na na nga d’i.

Gat ta a hat á mbàd’id’a 4:15

Moise mi dazi kua ala: D’igi agi wagi nga ir sa kur bur ma Ma didina mi dagi zlad’a aduk akud’a yam ahina d’a Horep-pa d’uo na na, agi gologi tagi djivi

Gat ta a hat á mbàd’id’a 5:8

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Kolos-sâ 1:15

Christ ma ei wum mi hle tam dedege d’igi Alo ma bei wum ki ira na na, mam mi Gor ma a vud’um avo’â, ni ma avok ahlena pet suma Alona mi lazina.

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Hebre-na 1:1

Adjeu Alona mi de zlad’a yam ablaud’a mabuyoi ngolo ki lovod’ot teteng navun mam suma djok vuna.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

2 Pierre 2:10

Kal pet mba mi ka sariyad’a yam suma a nga tit bugol djib’er ra ndjendjed’a hi sa mazi ma adjeuna suma a nga gol ad’enga hAlonid’a isâ. Ni suma a hat hat ta tcho d’a an dagi katina, ni suma bei le mandarâ, ni suma tum didi’â. Azi nga ge yazi kä avok ahle suma ari suma subur suma akulona d’i, wani a nga nguluziya.

Jude 1:8

Sum ndazina a le hina dedege mi, a nga tit bugol ahle suma nde tazi irazina á mbut tazi ndjendjed’a, a nga gol ad’enga hAlonid’a is, a nga ngul ahle suma ari suma subur suma akulona.