Ndumba 12:6 - Bible azumeina

⁶ Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Ndumba 12:6 Kruisverwysings

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

Ad’u Tinda 28:12

Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma.

Ad’u Tinda 28:16

Jakob mi zlit akulo kur sena, mi dala: Gagazi, Ma didina mi nga ka hî, an we nga d’i.

Ad’u Tinda 37:5

Adïd’a de Josef, mi vat ad’ut mi b’oziyoma; azi vum kuruzi ve d’a kala.

Ad’u Tinda 37:9

Adïd’a dum kua, mi vat ad’ut mi b’oziyoma, mi dazi ala: Gola! Adïd’a dan kua ala afata ki tilâ ki tchitchiud’a dogo yam tu a grif kä avoronu.

Ad’u Tinda 46:2

Kur andjege ndata Alona mi nde tam ir Israel, mi yum ala: Jakob! Jakob! Jakob humum ala: An huma!

2 Samuel 7:4

Wani kur andjege ndata Ma didina mi de zlad’a mi Natan ala:

1 Amuleina 3:15

Ata yima Salomon mi zlit akulona, mi wala ni Ma didina ba, mi dum adïd’a. Mi hulong Jerusalem, mi tak tam avok Ma didina avok zandu’â hi Ma didina mi. Ni kua ba, mi hAlona ahle suma ngat buzu suma ngala. Bugola, mi he vama ngat buzu ma zlap darigïd’a kAlonina, mi le te ma luna mazungeî mama pet mi.

1 Amuleina 3:5

Kid’a Salomon mi sä Gabawon tua d’a, Ma didina mi dum adïd’a andjege ala: Ang tchenen vama ang minima, an ni hangziya!

Wana ni mbaktumba hi Job-pa 33:15

Nga mi de zlad’a mi sana kur adïd’a, nga mi nde va woi ir sana, ata yima suma a bur sena kä lagad’a’â, ata yima a nga burâ kä yam azang mazinina mi.

Wana ni mbaktumba hi Job-pa 4:13

Kur djib’er manda vana nde tam mbei iran kur andjeged’a ata yima suma a bur sena sisi’â.

Sawal la giled’a 105:15

Mi dazi ala: Agi dogi man suma an manazina d’i, agi lagi man suma djok vuna vama tcho d’uo mi.

Sawal la giled’a 89:19

Ma didina, angî mbarei mamid’a, angî ma tin tang irat vat yam suma Israel-lîna, angî amul mamina mi.

Buzuk ka Abud’a 7:1

Ma didina mi de mi Moise ala: Gola! An mba ni vragang blangân avok Faron, wiyengâ Aron mba mi djogong vunang ngeyo.

Jeremi 23:25

Ma didina mi dala: An hum zla d’a suma djok vun ndazina a nga djogota. A nga djok vun ma ka zlad’a ala: Adïd’a dan na, adïd’a dan na.

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Daniel 10:8

An ar van tu á gol vama ngol ma nde tam mbei iran máma. Wani ad’engên nga d’i, tan tchuk susub’ok, ad’engên dap pei pepet mi.

Daniel 2:19

Kur andjeged’a Alona mi tak Daniel vama gumun máma kur vama nde tam mbei irama. Ata yi máma Daniel mi le Alo ma sä akulona mersi,

Daniel 7:1

Kur biza d’a avok ka Baltazar amul ma Babilon-na nga mi tamulid’a, adïd’a de Daniel, vana nde tam mbei iram ata yima mi nga burâ yam azang mamina. Bugola, mi b’ir zlad’a hadï ndatid’a, mi väd’u zla mat ta nglod’a woi mi.

Daniel 8:2

Vama an wum ata yima vana nde tam mbei irana ba wana: Kid’a an nga ni gol vama nde tam mbei irana tua d’a, an gol wani, an navo Sus kur azì ma ngol ma kur andaga d’a Elam-mbina, ata yima an nga ni gol vama nde tam mbei irana tua na. Gol wani, an navun alum ma Ulai-na.

Wana ni mbaktumba hi Oze-d’a 12:11

An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Joel 3:1

Ma didina mi dala: Gola! Kur bur máma an mba ni hulong suma Juda-na ki suma avo Jerusalem-ma ata blangâzi ma adjeuna.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Ndumba 24:4

Wana ni zlad’a hi an ma ni hum zlad’a hAlonid’ina, hi an ma ni wahle suma Ma ad’engêm kal petna mi ndandji woi irana, kayam mi nde tam mbei iran ata yima an nga ni kud’uroma:

Matiye 1:20

Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a.

Matiye 2:19

Wani kid’a Herot mi mit dad’a, malaikana hi Salad’ina mi de Josef adïd’a avo Ezipte ala:

Matiye 23:31

Kayam ndata, agi lagi glangâsâ kagi ala agi ni suma tchi suma djok vun Alonina grozi ngolona.

Matiye 23:34

Kayam ndata, an nga ni sunugi suma djok vuna azi ki suma ned’a ki suma hat gata. Agi mba tchagi suma dingâ, agi mba b’alagi suma dingâ akulo ata aguna, agi mba togi suma dingâ kur gongîyo magi suma toka, agi mba digigi suma hiuna á lazi ndaka kur azina kur azina mi.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Wana ni Zla d’a Djivi d’a Luc mi b’irita 1:11

Ata yi máma, malaikana hi Salad’ina mi nde woi ir Zakari, mi nga tchola abo ma ndjufâ hi yima a minim ki lora á ngal dubang ma his djivid’ina kuana.

Wana ni Zla d’a Djivi d’a Luc mi b’irita 1:22

Kid’a mi ndabud’a, mi ndak á dazi zlad’a d’i. Azi wala va nde iram ata yima a tinim iram vama. Mam nga mi dazi zlad’a kabomu, mi ar ngrufa kiki.

Wana ni Zla d’a Djivi d’a Luc mi b’irita 20:6

Wani le ei dei wa ala: Suma a sunumï ni aziya ni, suma pet a mba duri kahinad’a, a tchiya, kayam suma a we Jean ala ni ma djok vun Alona.

Sunda hi suma a sunuzinid’a 10:11

Mi gol akulod’a ti mal leyo, vana d’igi baru d’a ngola na, djinda ata kengêm ma fid’ina pet, a sirimï kä yam andagad’a.

Sunda hi suma a sunuzinid’a 10:17

Kid’a Pierre nga mi djib’er yam vama nde tam mbei irama tua d’a, suma Kornei mi tchuguzï sundina, a djop wa yam azina hi Simon-na, a nga tchola avun agre’â abua.

Efes-sâ 4:11

Mi he suma dingâ á mbut suma a sunuzina, suma dingâ á mbut suma djok vun Alona, suma dingâ á mbut suma tchi wal Zla d’a Djivid’a, suma dingâ á mbut suma pol suma ki suma hat suma mi.

Gat ta a hat á mbàd’id’a 18:15

Ma didina Alo magina mba mi tchol ki ma djogom vunama tu ma adugï b’oziyogina ma d’igi an na na. Agi mba humugi zla d’a mam mba mi dagizid’a.

Gat ta a hat á mbàd’id’a 18:18

An mba ni tchol ki ma djogon vunana tu ma adugï b’oziyozina ma d’igi ang na na, an mba ni tinim zla manda avunamu; mam mba mi dazi ahlena pet suma an mba ni hum vuna kazina.

Hebre-na 1:1

Adjeu Alona mi de zlad’a yam ablaud’a mabuyoi ngolo ki lovod’ot teteng navun mam suma djok vuna.

Vama ndum mbeina 11:10

Suma yam andagad’ina a mba le furîd’a yam matna hi suma mbà ndazinina. A mba le furîd’a, a mba sun he d’a hawad’a aduk tazi kayam suma djok vun Alo suma mbà ndazina a le suma yam andagad’ina ndaka heî.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

1 Samuel 28:6

Saul mi djop Ma didina. Ma didina mi hulongôm nga humba kur adïd’a d’oze ki Urima d’oze avun suma djok vuna d’i.

1 Samuel 3:15

Samuel mi ar burâ kä gak yina fo, mi mal vun gong nga kud’ora hi Ma didinid’a woyo, mi nga mi le mandarâ á de zla d’a Ma didina mi dumzid’a mi Eli.

1 Samuel 3:21

Ma didina nga mi tak tam mbei kua kua avo Silo; nata yi máma ba, mi tak tam mbei mi Samuel á tagam zla mamba.