Ndumba 11:29 - Bible azumeina

²⁹ Moise mi hulong dum ala: Ang le ni yungôra kan ndju? Ladjï Ma didina mi b’rau Muzuk mama mi sum mama pet á djok vuna ni, tan mba d’i lan djivid’a ngola.

Ndumba 11:29 Kruisverwysings

Joel 2:27

Agi mba wagi ala an nga aduk Israel-lâ, an ni Ma didina Alo magina. Ma ding nga d’i. Agi sum mana, agi mba mbud’ugi zulona d’uo d’a.

Joel 3:1

Ma didina mi dala: Gola! Kur bur máma an mba ni hulong suma Juda-na ki suma avo Jerusalem-ma ata blangâzi ma adjeuna.

Ndumba 11:30

Moise ki suma nglo suma avok Israel-lîna a buzuk a i kur kangâ.

Wana ni Zla d’a Djivi d’a Luc mi b’irita 10:2

Mi dazi ala: Awu ma feta nga ngola, wani suma le sunda akid’eid’a. Kayam ndata, agi tchenegi Sala awuna, kayam mi sun suma sunda á fet awu mama.

Sunda hi suma a sunuzinid’a 26:29

Paul mi dum ala: An nga tchen Alona le ar go d’oze sä dei pî, nga ni kayam ang hol li, wani kayam agi pet suma a humun inina, agi mbud’ugi d’igi an na, wani kur kindjing ma wana d’i.

1 Korente-na 13:4

Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.

1 Korente-na 14:5

Kayam ndata, an min ala agi pet dagi zlad’a ki vuna hi suma tetengâ, wani vama kalâ, an min ala agi djogogi vun Alonina. Le sana nga mi de zlad’a ki vuna hi suma tetengâ ba, le sama ding nga mi vum ad’um mbei abu á wul ki Toka akulo d’uo ni, sama nga mi djok vun Alonina mi kalamu.

1 Korente-na 3:21

Kayam ndata, nga djivid’a sana mi subur tam yam sa d’i. Kayam ahlena pet ni magina.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

Filip-ma 2:3

Ar agi lagi va ki tuguyod’a d’oze ki subur ta d’a hawa yaka d’i. Wani agi gagi yagi kä avok tagiya, ar nge nge pî adigagi mi we ndrama ala mi kalamu.

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

Jacques 5:9

B’oziyona, agi guruyôgi tagi tala Alona mi ka sariyad’a kagiya d’a d’i. Kayam Ma ka sariyad’a mi nga go avun agre’â.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

1 Samuel 10:6

Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.