Ndumba 11:20 - Bible azumeina

²⁰ Wani agi mba mud’ugizi ni tilâ sop, gak mi hlagi hisâ mi kak atchinagi mi, kayam agi gologi Ma didin ma nga kaka adigagina is, agi tchigi avorom ala: Ni kayam me ba, mi buzugugï woi kur Ezipte ge?

Ndumba 11:20 Kruisverwysings

2 Samuel 12:10

Ki tchetchemba, a mba tchi sum mangâ avun ayîna hina baba, kayam ang golon is, kayamba ang vatchad’a hi Uri ma Het-na, ang gat ad’ung atchad’id’a.

Sawal la giled’a 106:15

Mi hazi vama azi tchenem kama, bugola, mi tchuguzi tugud’ei d’a tchod’a kaziya.

Buzuk ka Abud’a 16:13

Tcha fladeged’a Alona nde mi yagazï tcheged’a kä kur kangâ; tcha yorogod’a mbad’ïd’a ge ngui kangâ.

Buzuk ka Abud’a 16:3

Israel-lâ a dazi ala: Ladjï agi arami Ma didina mi tchami sä avo yam ambas sa Ezipte-d’a ata yima ami nga kaka avun duguyo suma hliuna ata yima ami nga tami avungôna hobomi ki na pî ni, kal luo zu? Gola! Agi mbami woi abagei hur fulâ á tchagi ablau d’a tchotcho d’a wanda woi ki meid’a wana.

Buzuk ka Abud’a 16:8

Moise mi dazi ala: Ma didina nga mi hagi ini fladege hliuna á mutna; avin yorogo mba mi hagi avungôna á hobogiya, kayam mi hum gureî magi d’a agi guruyôgi kamba, kayam ami ni me ko ge? Gureî d’a agi nga guruyôgid’a ni ka ami d’i; agi guruyôgi ni yam Ma didina.

Zla d’a d’ogolâ 27:7

Sama mi hop da na nga mi miret se ayuma kä kasemu, wani sama meid’a ti tchuma, vama aglarâ pî, mi nadjib’eta avunamu.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Ndumba 11:13

An mba ni fe hliuna ni lara ba, ni hum mi sum ndazina hina pet ke? Kayam a nga tchi kan ala: Ang hami hliu ma mutna.

Ndumba 11:19

Agi mba mud’ugizi ni burâ tu d’oze burâ mbà d’oze burâ vahl hloze burâ dogo d’oze burâ dok mbà go d’i.

Ndumba 11:21

Moise mi dum ala: Suma an adigazina a ni 600.000, wani ang dala ang hazi hliuna azi tum tilâ sobu ni!

Ndumba 14:3

Ni kayam me ba, Ma didina mi buzugumï á imi kur ambas ndata á tchami woi kayî ma durâ ge? Ni kayam me ba, amiyômina ki gromina a mbut vama tchid’a mi ge? Le ei hulongeî ni Ezipte pî ni hotei d’uo zu?

Ndumba 14:4

A de tazi ala: Ei tini sa avorei tu, ei hulongeî Ezipte.

Ndumba 16:13

Na ni ni vama gorâ irang d’a ang buzugumï woi kur ambas sa ambira ki mbul ayuma a nga sor kä kua d’a á tchami woi abagei hur fulâ ka hî d’a zu? Tua ba ang min á te kami kad’enga kua zu?

Ndumba 20:4

Ni kayam me ba, agi yomï ami ablaud’a hi Ma didinid’a abagei hur fulâ ka hî á tchami woi ki d’uwar mamina mi ge?

Ndumba 21:5

a nde gureîd’a yam Alona azi ki Moise, a dala: Ni kayam me ba, agi buzugumï woi kur ambas sa Ezipte-d’a á tchami woi abagei hur fulâ ka hî ge? Kayam vama te nga d’i, mbiyo ma tche nga d’i, avu ma tcho máma, mi mbut avunami tchod’a mi!

Sunda hi suma a sunuzinid’a 13:41

Agi gologiya! Agi suma gologi zlad’a isâ, agi mba lagi atchap, agi mba bagi woyo. Kayam an mba ni le sunda kur atchogoi magid’a, ni sun nda le sama ding mi dagizid’a pî, agi mba hagi gagazid’a kat tuo d’a.

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

Josue 24:27

Josue mi de mablau d’a peta ala: Gola! Ahina d’a wanda mba d’i le glangâsâ keya, kayam ndat ti hum zla d’a pet ta Ma didina mi deizid’a, ti mba d’i le glangâsâ kagi kayambala agi tinigi vunagi yam Alo magina d’uo d’a.

1 Samuel 10:19

Samuel mi dazi kua ala: Wani ki tchetchemba, agi noyôgi Alo magi ma sud’ugi woi kur bur ma tchona ki bur ma ndakina. Agi dan ala: Ang tinimi amulâ. Djiviya! Ki tchetchemba, agi mbeyegi avok Ma didina ad’u andjavagiya, ad’u andjavagiya.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.