Ndumba 11:16 - Bible azumeina

¹⁶ Ma didina mi de mi Moise ala: Ang togon suma nglo Israel-lâ dok kid’iziya, suma ang wazi ala ni suma nglona avok suma na, ang mba ki sed’ezi avun zlub’u d’a ngaf tad’a, ar a tchol akulo ata yi máma zlapa ki sed’engû.

Ndumba 11:16 Kruisverwysings

Ad’u Tinda 46:27

Josef grom suma vud’uzi Ezipte-na ni mbà. Jakob andjavam ma mba Ezipte-na pet ni dok kid’iziya.

Buzuk ka Abud’a 18:25

mi man suma nda’â aduk suma, mi tinizi yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Buzuk ka Abud’a 24:1

Ma didina mi de mi Moise ala: Ang djagï geven yam ahinad’a akulo zlapa ki Aron, Nadap, Abihu ki suma nglo suma Israel suma dok kid’iziyana mi. Agi igi sä woi hina dei, agi grivigi kä andaga.

Buzuk ka Abud’a 24:9

Bugola, Moise azi ki Aron a djak akulo zlapa ki Nadap, Abihu ki suma nglo suma Israel suma dok kid’iziya ndazina mi.

Buzuk ka Abud’a 4:29

Moise azi ki Aron a i tok suma nglo suma Israel-lâ pet.

Jeremi 19:1

Ma didina mi dan ala: Ang i avo hi sama min deina, ang gus ageleng nga lubuna, ang yo suma nglona hi sumina ki suma nglona hi suma ngat buzunina.

Ezekiyel 8:11

Suma nglo suma Israel-lâ dok kid’iziya a nga, adigazi Jäzaniya Safan goroma mi nga mi. Azi pet a nga tchola avok filei ma tetengâ, nge nge pî mi nga ki va mam ma ngal dubang ma his djivid’ina abomu, a nga ngal dubang ma his djivid’ina. Andosâ nga mi rip kazi kä ririp mi.

Ndumba 11:24

Moise mi de zlad’a hi Ma didinid’a mablau suma, mi tok suma nglo suma dok kid’iziya suma avok ablau sumina, mi ndjarazi kä ngui zlub’ud’a.

Ndumba 16:25

Moise mi tchol mi i ata Datan azi ki Abiram. Suma nglo suma Israel-lâ a nga i blogom mi.

Wana ni Zla d’a Djivi d’a Luc mi b’irita 10:1

Bugol zla ndata, Salad’a mi man suma hat suma dingâ dok kid’iziya yam mbà. Mi sunuzi mbàmbà avorom á i kur azina ki yima lara ge pet ma mam tam min i kuana.

Wana ni Zla d’a Djivi d’a Luc mi b’irita 10:17

Suma dok kid’iziya yam mbà ndazina a hulongî ki furîd’a, a de mi Jesus ala: Salamina, muzuk ma teteng ma tchona pî mi ge yam kä ad’umi kayam simiyêngû.

Gat ta a hat á mbàd’id’a 1:15

Ata yi máma an yo suma avok andjavagi suma ned’a ki suma suma a wazina, an tinizi yam suma dudubuna, yam suma kikisâ, yam suma dok vahl dok vahlâ, yam suma dodogona; ni suma kad’enga yam ades maginina mi.

Gat ta a hat á mbàd’id’a 16:18

Moise mi de kua ala: Agi tinigi suma ka sariyad’a ki suma nglo suma kazina hur azì ma lara ge pet ma Alo magina mba mi hagizina ad’u andjavagiya. Azi ka sariyad’a hi sumid’a ni ki d’ingêra.

Gat ta a hat á mbàd’id’a 31:28

Agi togogi suma nglo suma ad’u andjavagina ki suma avok sumina kä avoronu. An mba ni dazi zla ndata, kayam azi humud’u, an mba ni yakulod’a kandagad’a á le glangâsâ kaziya.