Ndumba 11:1 - Bible azumeina

¹ Israel-lâ a nga gureî gureî d’a tchod’a yam Ma didina. Ma didina mi huma, hurum zal ngola, mi sunï akud’a adigaziya. Ti ngal vun kangâ woi burut.

Ndumba 11:1 Kruisverwysings

Ad’u Tinda 38:10

Vama mi luma mi le nga Ma didina tam djivi d’i; mi tchum mbei mi.

2 Samuel 11:27

Kid’a bur ma tchina mi kal da d’a, David mi sun á vad’ï avo hatamu. Ti mbut amamba, ti vud’um gorâ tu. Ahle suma David mi lazi ndazina a le nga Ma didina tam djivi d’i.

2 Amuleina 1:12

Elie mi hulong dum ala: Le an ni ma djok vun Alona ni, ar akud’a ti tcholï akulo, ti ngalagi woi ki mang suma dok vahlâ! Ata yi máma na wat, akud’a hAlonid’a ti tcholï akulo, ti nde yam ma ngol máma ki mam suma dok vahlâ, ti ngalazi woyo.

Wana ni mbaktumba hi Job-pa 1:16

Kid’a sama sun ma avo’â nga mi de zlad’a tua d’a, ma sun ma dingâ mi mba, mi de mi Job ala: Akud’a ti tcholï akulo hur alona, ti nde yam tumiyôna kazungeîna, ti ngalazi woi pet. Ni an tu ba, ni sud’a, ni mba á dang wana!

Sawal la giled’a 106:18

Akud’a ti fo akulo aduk tok mazid’a, ti ngal suma asa’at ndazina woyo.

Sawal la giled’a 78:21

Wani Ma didina mi hum zla ndata, hurum zala. Akud’a ti nde ti ngal andjafâ hi Jakob-ma; ayî mama mi nde yam Israel-lâ.

Sawal la giled’a 78:63

A tchi gro azungeî mazina avun ayîna, gro yuguneina a nga fe lovota á gadjo d’a tela d’i.

Buzuk ka Abud’a 16:7

Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?

Buzuk ka Abud’a 16:9

Moise mi de mi Aron ala: Ang de mablaud’a hi Israel-lîd’a pet ala: Agi hud’ugï avok Ma didina, kayam mi hum wa gureî magid’a.

Isai 10:17

B’od’a hi Israel-lîd’a mba d’i mbut ni d’igi akud’a na, mazi Ma tin tam irat vat kazina mba mi mbut ni d’igi sin akud’a na, mba mi ngal awei mazid’a ki kekerezeu mazina woi kur bur ma tuna.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Hor ma tchina 3:39

Ni kayam me ba, sama mi nga kaka ki irama mi tchi tam ge? Ar nge nge pî mi tchi ni yam tcho mamba tata.

Ezekiyel 20:36

An mba ni kagi sariyad’a kagi d’igi an ka sariyad’a yam abuyogi ngolo hur ful ma yam ambas sa Ezipte-d’ina na. An Salad’a Ma didina ni de na.

Sunda hi suma hi Levi-nid’a 10:2

Kayam ndata, akud’a ti tcholï avok Ma didina, ti ngalazi ti tchazi woyo.

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Habakuk 3:5

Nga mi sun tugud’eid’a tchod’a avoromu; nga mi he vuna mi matna mi tid’i ad’um mi.

Ndumba 10:33

A tchol yam ahinad’a hi Ma didinid’a a i á tit burâ hindi. Zandu’â hi Ma didinina nga mi i avorozi á hal yima azi tuk tazi kuana.

Ndumba 11:18

Ang de mablau suma ala: Avin agi mbud’ugi tagi yed’et, agi mba mud’ugi hliuna, kayam Ma didina mi hum tchi magi mala ni nge mba mi hei hliu ma mutna, kayam ei sä Ezipte wani djivid’a heyû na. Ma didina mba mi hagi hliuna, agi mba mud’ugiziya.

Ndumba 12:2

Na ni Ma didina mi de ni zlad’a ki Moise tutu zu? Nga mi de zlad’a ki ei mei d’uo zu? Ma didina mi hum zla ndata.

Ndumba 14:2

Ablau suma Israel-lâ pet a nde gureî yam Moise azi ki Aron, a dazi ala: Ami bomiza adjï navo Ezipte ni hotei, d’oze bomi nabagei hur fulâ ka hî pî ni hotei mi!

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Ndumba 14:27

An mba ni ar ablau d’a tcho ndata a gureî kan hina gaga’î mindja ge? An hum gureî d’a Israel-lâ a guruyôt kanda.

Ndumba 14:28

Agi dazi ala: Ma didina mi dala: Gagazi, an ni Ma bei matna, an mba ni lagi d’igi agi guruyôgi human na.

Ndumba 16:11

Ni kayam ndata ba, ang ki sum mangâ pet, agi ndjagagi vunagi kagagi djangûna ki Ma didina! Aron ni nge ko ba, agi guruyôgi kam ge?

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Ndumba 17:5

Sama an manama, totogo mamba mba d’i d’uva. Hina wani, an mba ni d’el gureî d’a Israel-lâ a nga guruyôt kagid’a avogonu.

Ndumba 21:5

a nde gureîd’a yam Alona azi ki Moise, a dala: Ni kayam me ba, agi buzugumï woi kur ambas sa Ezipte-d’a á tchami woi abagei hur fulâ ka hî ge? Kayam vama te nga d’i, mbiyo ma tche nga d’i, avu ma tcho máma, mi mbut avunami tchod’a mi!

1 Korente-na 10:10

Ar agi guruyôgi d’igi suma dingâ adigazi a gureî hina ba malaika ma tchi suma b’lagazi woi na d’i.

Gat ta a hat á mbàd’id’a 25:18

A le nga mandara Alona d’i. Azi a djubugi avun lovota ata yima agi seyêgina, a nde kagiya, a tchi suma asezi mi ar bugolâ woi ad’ugiya.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Gat ta a hat á mbàd’id’a 9:22

Adjeu d’a ei mbei Tabera, Masa ki Kibrot-Hatava-d’a, agi zalagi hur Ma didina.

Hebre-na 12:29

kayam Alo meina naku d’a nga d’i ngal ahlena woid’a.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.