Ndumba 10:35 - Bible azumeina

³⁵ Ata yima zandu’â mi tchol á id’ina, Moise mi dala: Ma didina, ang tchol akulo! Ar mang suma djangûna a ndjoî woyo, ar suma a noyôngâ a ring ngei avorong mi!

Ndumba 10:35 Kruisverwysings

Sawal la giled’a 132:8

Ma didina, ang tchol akulo, ang mbeï ata yang ma tuk tad’a ki zanduk mang ma ad’eng manga nga kuana.

Sawal la giled’a 3:8

Ma didina, ang mbeya! Alo mana, ang sud’unu! Angî ma tum agohl man suma djangûna petna, angî ma kus sï suma asa’atna woina.

Sawal la giled’a 9:19

Alona nga mi mar yam sama houd’a d’uo burâ ki burâ; tin hurâ hi suma hohoud’ina mba mi dap pei d’i gak didin.

Sawal la giled’a 94:16

Ni nge ba, mba mi tchol avoron á d’el suma asa’at ndazina ge? Ni nge ba, mba mi tchol á ndjunun abo suma bei d’ingêr ndazina ge?

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Gat ta a hat á mbàd’id’a 32:41

An nga ni gur mbigeu man nda fiyaka, ni ligid’et siyat mi ngal wiwilik. An hlabon akulo á ka sariyad’a, an mba ni hlatchugulun ki man suma djangûna, an mba ni wurak suma a noyôna mi.

Gat ta a hat á mbàd’id’a 7:10

Wani nga mi ngop suma a noyôma, nga mi dabazi woi mi, nga mi le lilinga á ngop sama mi noyôma d’uo mi.

1 Samuel 4:3

Suma a arâ a hulongî kur kangâ; suma nglo suma Israel-lâ a dala: Ni kayam me ba, Ma didina mi ar suma Filistê-na a kus kei ini hina ge? Ei i halei zanduk ma vun ma djinda hi Ma didinina nga kuana avo Silo. Le mi mba wa adigeya ni, mi mba sud’i woi abo mei suma djangûna.