Ndumba 10:29 - Bible azumeina

²⁹ Moise mi de mi Hobap Rewel ma Madiyan ma akunoma goromina ala: Ami nga imi yam ambas sa Ma didina mi hle vunam kat ala: An mba hagiziya d’a, ang mbei i ki sed’emiya. Ami mba lang djivi d’a Ma didina mba mi lat mi Israel-lîd’a.

Ndumba 10:29 Kruisverwysings

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 13:15

Kayam andaga d’a ang wat pet wanda, an mba ni hangzi ni mi ang kandjavang gak didin.

Ad’u Tinda 15:18

Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

Ad’u Tinda 17:8

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

Ad’u Tinda 32:12

Ni ang ma dan ala ang mba lan djivid’a, ang mba zulun andjavan d’igi les ma avun alum ma ngol ma sa mi ndak á ndumum mbuo na na na.

Sawal la giled’a 100:1

Wana ni sawal la gile d’a suburid’a. Agi suma yam andagad’ina pet, agi eregi ad’ugi akulo avok Ma didina ki furîd’a!

Sawal la giled’a 34:8

Malaikana hi Ma didinina nga mi kak ndjola yam suma a lum mandarama, mi nga mi sud’uzi woi mi.

Sawal la giled’a 95:1

Agi mbeyegï ei gileigi Ma didina ki delei akulo, ei suburi ahina mei d’a suta ki furîd’a!

Buzuk ka Abud’a 18:1

Jetro ma ngat buzu ma Madiyan-na, Moise akunoma, mi hum ahlena pet suma Alona mi lazi yam Moise ki mam suma Israel-lîna ala: Ma didina mi buzuk wa Israel-lâ woi kur Ezipte.

Buzuk ka Abud’a 18:12

Jetro Moise akunoma mi yo he d’a hawa d’a ngala ki he d’a hawa d’a ngat buzuna á hed’a mAlona. Aron azi ki suma nglo suma Israel-lâ pet a mba, a te tena ki Moise akunoma avok Alona.

Buzuk ka Abud’a 18:27

Moise mi ar akunoma mi hulong yam ambas mamba.

Buzuk ka Abud’a 2:18

Kid’a a hulong gen abuzi Rewel-la, mi dazi ala: Ni nana ba, agi mbagi ini atogo hina zak ke?

Buzuk ka Abud’a 2:21

Moise mi nga hurum á kaka avo hi Rewel; Rewel mi hum goromba Sefora atchad’a.

Buzuk ka Abud’a 3:1

Moise nga mi pol aho’â hakunoma Jetro ma ngat buzu ma Madiyan-na. Mi i kaho’â sä abo fulâ abo hî, mi i yam ahinad’a hAlonid’a, nala, Horep.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Buzuk ka Abud’a 6:4

An djin vunan ki sed’ezi á hazi ambas sa Kanan nda azi kak adjeu kat d’igi angoyogeina na d’a.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Jeremi 50:5

A mba djop yam lovot ta Siyon-nda, a mba mbut irazi yam lovot ndata, a mba dala: Mbeyegïya. Agi reyêgi tagi ki Ma didina yam vun ma djin ma didin ma bei mara ba na.

Ndumba 10:28

Wana ni id’a hi Israel-lîd’a, a i nata lovod’ot lovod’ot ad’u ades mazi ma dur ayîna. Ni hina ba, a iya.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Sunda hi suma a sunuzinid’a 7:5

Alona mi hum nga yina kurut ti, yima tin asema pî nga d’i. Wani kid’a mam bei mi vut gorâ tua d’a, Alona mi hlum vunam ala mba mi hum ambasa mba mi hat mandjavam ma mi mba blogoma mi.

Gat ta a hat á mbàd’id’a 30:5

Ma didina Alo magina mba mi mbagi yam ambasa habuyogi ngolod’a; agi mba hlad’u. Ma didina mba mi lagi djivid’a, mba mi zulugi kal abuyogi ngolo mi.

Gat ta a hat á mbàd’id’a 4:40

Agi ngomogi gat mamba ki vun mam ma he ma an nga ni hagizi inina kayambala agi ki grogi suma blogogina, agi kagagi ki furîd’a tala agi tagi kagagi tatâ yam andaga d’a Ma didina Alo magina nga mi hagizi ki iragi fafat wanda d’a.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Suma ka sariyad’a 1:16

Suma Ken suma ad’u andjafâ hi Moise akunomina, zlapa ki suma Juda-na, a tcholï Jeriko ma azì ma ngol ma amulongeîna nga kuana hur fulâ hi Juda-na abo ma sutna hi Arat-na, a i a kak aduk suma a nga kaka ata yi mámina.

Suma ka sariyad’a 4:11

Heber ma ad’u andjafâ hi Ken ma wal tam mbei kandjafâ hi Ken ma dingîna, azi nandjafâ hi Hobap ma Moise atanamina, mi ve zlub’u mamba kur yi máma gak mbaza ad’u sen ma Sänanim ma go ki Kedes-sâ.

1 Samuel 15:6

Bugola, mi de mi suma Ken-na ala: Agi kagagi aduk suma Amale’â d’i; agi walagi woi ki sed’eziya; an min tchagi zlapa ki azi d’i, kayam agi lagi djivid’a mi Israel-lâ kid’a azi buzugï woi Ezipte-d’a. Suma Ken-na a wal lei ki suma Amale’â.