Ndumba 10:10 - Bible azumeina

¹⁰ Kur bur magi ma furîd’a, kur vun til magi ma tetengâ d’oze kur deîd’a hi tilîd’a, agi bugi adifa ata yima agi hagi ahle suma ngat buzu suma ngala kahle suma ngat buzu suma zlap darigïd’ina. Hina wani, an Ma didina Alo magina mba ni djib’er kagiya. An ni Ma didina Alo magina.

Ndumba 10:10 Kruisverwysings

2 Amuleina 4:23

Ndjuvut mi dat ala: Ni kayam me ba, ndak i avo hatam ini ge? Ini nga ni bur ma vun tilâ d’oze ni bur ma sabatna d’uo. Wani ti hulong dum ala: Ang djib’er ri!

1 Sunda Hamuleinid’a 15:28

Israel-lâ pet a hleï zandu’â hi Ma didinina ki siwela gandjau, a nga bu aduvei suma nglona ki suma gureina ki tchigiyeud’a, a nga bu ading ma nglona ki ma gureina mi.

1 Sunda Hamuleinid’a 16:42

Heman azi ki Jedutun a nga bu adif fa nglod’a ki tchigiyeud’a kahle suma a buzi á hle ki sawala á he ngola mAlonina. Jedutun groma a ni suma ngom vun yima a tinim iram vam mi Ma didinina.

2 Sunda Hamuleinid’a 29:26

Suma hi Levi-na a tchol akulo kahle suma bud’a hi David-na aboziya, suma ngat buzuna a nga kaduveina abozi mi.

2 Sunda Hamuleinid’a 29:28

Ablau suma zla tazi pet a grif kä andaga, suma hle sawala a nga hle sawala, suma bu aduveina a nga bu aduveina gak a dap kahle suma ngat buzu suma ngala.

2 Sunda Hamuleinid’a 7:6

Suma ngat buzuna a nga tchola ata yima sunda, suma hi Levi-na a nga kahle suma bu suma David mi lazi á subur ki Ma didinina ata yima mi tinizi á gile Ma didinina a dala: Kayam o mamba nga d’i dap pi. Suma ngat buzuna a nga bu aduveina avoroziya, Israel-lâ pet a nga tchola akulo kasezi mi.

Esdras 3:10

Kid’a suma sunda a ge ad’u gong nga kud’ora hi Ma didinid’a kä dad’a, suma ngat buzuna a nga tchola ata yi máma ki barud’a nglod’a ataziya, aduveina abozi mi, zlapa ki suma hi Levi suma Asaf gromina ki tchigiyeud’a abozi á gile Alona d’igi David amulâ hi Israel-lîna mi hazi vuna adjeu na.

Nehemi 12:35

Suma ngat buzuna a nga kaduveina aboziya. Adigazi ni Zakari ma Asaf gorom ngolonina. Asaf mi vut Zakur, Zakur mi vut Mika, Mika mi vut Mataniya, Mataniya mi vut Semaya, Semaya mi vut Jonatan ma Zakari abuma.

Sawal la giled’a 150:3

Agi gilegizi kadifa, agi gilegizi kading ma ngolâ ki ma gorâ mi.

Sawal la giled’a 81:3

Agi hlagi sawala, agi bugi tchigiyeud’a, agi bugi ading ma nglona kading ma gurei ma delem tchi djivid’ina.

Sawal la giled’a 81:4

Agi bugi adifa kur bur ma tilâ deîna, kur b’o mam mba ndindinga kur bur mei ma vun tilâ mi.

Sawal la giled’a 89:15

D’ingêra ki sariya d’a ka d’a irata nad’u ged’a hi leu mang nga ted’id’a, o mang nga didinda ki gagazid’a a nga tit avorongû.

Buzuk ka Abud’a 28:29

Fata Aron mba mi kal kur zlub’u d’a kud’orid’a, mba mi zi simiyê Israel groma ma a b’irim ata baru d’a didik ka ka sariyad’ina akulo didigam d’igi vama ge humba na avoron an Ma didina burâ ki burâ.

Buzuk ka Abud’a 30:16

Le ang ve wa bege ndata aboziya ni, ang le ki sunda hi zlub’u d’a ngaf tad’id’a. Mba d’i arî vama ge humba yam Israel-lâ avoron an Ma didina á wurak kaziya.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Sunda hi suma hi Levi-nid’a 23:24

Ang i de mi Israel-lâ ala: Kur bur ma avo’â hi til ma kid’iziyanina, ni bur ma agi mba lagi vun tilâ kuana, ni bur ma agi mba gagi humba kadif fa bud’a kuana mi. Ni tok ka a tinit irat vat á kud’uronda.

Ndumba 10:9

Fata agi tchologi kur ambas magid’a á igi dur ayîna ki magi suma djangû suma a mba ndagi ayînina, agi mba bugi adifa ad’enga kiking. Hina wani, an Ma didina Alo magina mba ni djib’er kagi ni sud’ugi woi abo magi suma djangûna mi.

Ndumba 28:11

Ma didina mi de kua ala: Kur bur ma avo’â hi til ma lara ge petna agi hagi he d’a hawa d’a ngala mi an Ma didina amuzlei suma azungeîna mbà, gamlâna tu ki gro tumiyô suma bizazi tutu suma bei dakina kid’iziya mi.

Ndumba 29:1

Ma didina mi de kua ala: Kur bur ma avo’â hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri, kayam ni bur magi ma aîd’a.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Sunda hi suma a sunuzinid’a 10:4

Kornei mi so iram gola atamu, mandara tchum su. Mi dum ala: Salana, a ni me ge? Malaikana mi dum ala: Alona mi hum tchen manga ki ndjun nda ang nga ndjun suma hohoud’id’a, mi djib’er kangû.

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

1 Tasaloni’â 4:18

Kayam ndata, ar agi b’lengêgi hur tagi ki zla ndata.

Josue 4:7

Ata yi máma agi hulong dazi ala: Nahuniyô suma ami yozi kur bur ma alum ma Jurdê-na mi wal lei aduk mbà ata yima zandu’â hi Ma didina nga mi djagam mbeina. Ahuniyô ndazina a arî vama ge humba mi Israel-lâ gak didin.

Josue 6:4

Suma ngat buzuna kid’iziya a yo aduvei gamlâna kid’iziya aboziya, a kal avok zandu’â. Kur bur ma kid’iziyana, agi nguyugi azina ngungui yagi kid’iziya. Ata yi máma suma ngat buzuna a bu aduveina.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

1 Samuel 20:5

David mi hulong dum ala: Gola! Tilâ mi deî navini; ni bur ma an mba ni kak kamulâ á te tenina, wani ang aran an i ni ngei tan abagei gak fladeged’a hi bur ma hindinid’a.