Ndumba 10:1 - Bible azumeina

¹ Ma didina mi de mi Moise ala:

Ndumba 10:1 Kruisverwysings

Ad’u Tinda 42:13

Azi hulong dum ala: Ami azungeî mangâ ni dogo yam mbà, ni b’oziyo tamiya, sama tuna groma kur ambas sa Kanan-nda. Ma gorâ sä avo ini kabumiya, ma tuna mi ba woyo.

Ad’u Tinda 46:15

Azi pet ni Lea grot suma ti vud’uzi mi Jakob avo Padan-Aram-ma ki gorota Dina. Grozi suma andjofâ ki suma aropma pet ni dok hindi yam hindi.

2 Samuel 6:15

David ki Israel-lâ pet a hleï zandu’â hi Ma didinina ki furîd’a kaduveina bud’a kazi wü.

2 Amuleina 11:14

Ti gola, ti wamulâ mi nga tchola ata yima ndingâ d’igi azi nga le na. Suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina a nga buzi mi. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!

2 Sunda Hamuleinid’a 23:13

ti mbeï gen suma kur gong nga kud’ora hi Ma didinid’ina, ti gola. Ti wamulâ mi nga tchola ata yima nding ma avun agre’îna, suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina, suma hle sawala a nga kahle suma bud’a aboziya, a nga tak lovota á hle sawal la giled’a. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!

2 Sunda Hamuleinid’a 5:12

Suma hi Levi suma hle sawala zla tazi pet, nala, Asaf, Heman ki Jedutun zlapa ki grozina ki b’oziyozina, a tchuk baru d’a luluî d’a lalavata ataziya, a nga tchola ata yima ngal ahle suma ngat buzuna abom ma yorogona ki tchigiyeud’a kading ma nglona kading ma gureina aboziya. Suma ngat buzuna kis kam dok mbà a nga tchola gevezi a nga bu aduveina mi.

2 Sunda Hamuleinid’a 7:6

Suma ngat buzuna a nga tchola ata yima sunda, suma hi Levi-na a nga kahle suma bu suma David mi lazi á subur ki Ma didinina ata yima mi tinizi á gile Ma didinina a dala: Kayam o mamba nga d’i dap pi. Suma ngat buzuna a nga bu aduveina avoroziya, Israel-lâ pet a nga tchola akulo kasezi mi.

Esdras 3:10

Kid’a suma sunda a ge ad’u gong nga kud’ora hi Ma didinid’a kä dad’a, suma ngat buzuna a nga tchola ata yi máma ki barud’a nglod’a ataziya, aduveina abozi mi, zlapa ki suma hi Levi suma Asaf gromina ki tchigiyeud’a abozi á gile Alona d’igi David amulâ hi Israel-lîna mi hazi vuna adjeu na.

Sawal la giled’a 47:5

Mi manei andaga d’a djivid’a, tei nga lei djivid’a kad’u, ei nandjafâ hi Jakob ma mam le kama. Tchol ndjö

Sawal la giled’a 81:3

Agi hlagi sawala, agi bugi tchigiyeud’a, agi bugi ading ma nglona kading ma gurei ma delem tchi djivid’ina.

Sawal la giled’a 98:6

Agi suburugi Ma didina amul ma ngolâ kaduvei suma nglona kaduvei suma gureina mi.

Ndumba 1:52

Israel-lâ nge nge pî mi ve kang mama mi kak kuru. Nge nge pî mi kak go ki drapo mamba ad’u ades mam ma dur ayîna.

Ndumba 10:2

Ang yor kawei ma hapma aduveina mbà, ang yorozi ni ki kawei ma hap ma a bed’ema. A mba ndjunung á yi ablaud’a hi Israel-lîd’a, á hô kangâ mi.

Ndumba 29:1

Ma didina mi de kua ala: Kur bur ma avo’â hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri, kayam ni bur magi ma aîd’a.

Ndumba 7:2

Ata yi máma suma nglo suma avok andjafâ hi Israel suma avok sum mazinina a mba ki he d’a hawa mazid’a. Azi ni suma avok suma a ndumuzina mi.

Ndumba 9:23

Azi ve kangâ nad’u vun ma hed’a hi Ma didinina, azi i nad’u vun ma hed’a hi Ma didinina mi. A nga ge yazi kä ad’u vun ma hed’a hi Ma didinina d’igi mi hum mi Moise na.

Matiye 24:31

An mba ni sun malaika mana, a mba bu adif fa ngola, a mba tok suma an manazina abo yima fid’ina gak ata avun dabid’a handagad’id’a pet mi.

Josue 6:4

Suma ngat buzuna kid’iziya a yo aduvei gamlâna kid’iziya aboziya, a kal avok zandu’â. Kur bur ma kid’iziyana, agi nguyugi azina ngungui yagi kid’iziya. Ata yi máma suma ngat buzuna a bu aduveina.

Vama ndum mbeina 8:2

Ata yi máma, an we malaikana kid’iziya a nga tchola avok Alona. A hazi adifa kid’iziya mi.

Suma ka sariyad’a 7:20

Ades suma ar mbàna a le na, a bu aduveina, a to agolongeî suma a nga abozina woi mi. Suma pet a yo aku d’a ganda abozi ma gulana, a yo aduveina abozi ma ndjufâ á bud’a, a nga er ad’uzi akulo ala: Ni yam Ma didina azi ki Zedeyon!