Ndumba 1:53 - Bible azumeina

⁵³ Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.

Ndumba 1:53 Kruisverwysings

1 Sunda Hamuleinid’a 23:32

A nga ngom zlub’u d’a ngaf tad’a ki yima a tinim iram vam mAlonina. A nga tit yam vun ma hed’a hi b’oziyozi suma andjafâ hi Aron-nina á le suna gong nga kud’ora hi Ma didinid’a mi.

2 Sunda Hamuleinid’a 13:10

Wani amiya, Ma didina nAlo mamina, ami aram nga woi d’i, suma ngat buzuna hi Ma didinina andjafâ hi Aron-na a nga kur sun mazid’a, suma hi Levi-na a nga le sun mazid’a mi.

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Sunda hi suma hi Levi-nid’a 10:6

Moise mi de mi Aron azi ki groma Elazar ki Itamar ala: Agi welegi yagi woi d’i, agi hawâgi baru magina woi d’uo mi tala agi bogi d’uo d’a. Ar Ma didina hurum zal yam ablau suma petna d’uo mi. Agi aragi Israel suma petna a tchi mad’a b’oziyogi suma Ma didina mi ngalazi woina.

Ndumba 1:50

Ang hazi sunda hi zlub’u d’a vun ma djinda mi nga kuad’a aboziya, kahle mat suma sunda kahle suma kurutna pet. Azi yo zlub’ud’a kahle suma kurutna pet, azi lat sunut ni aziya, azi nguyut ki kang mazina mi.

Ndumba 1:54

Israel-lâ a lahlena dedege d’igi Ma didina mi he vuna mi Moise na pet mi.

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Ndumba 16:9

Na ni ni vama gor iragi tala Alona hi Israel-lîna mi tinigi iragi vagi kablaud’a hi Israel-lîd’a, mi hud’ugi go ki sed’em á le sun nda zlub’u mamba, á tchol avok ablaud’a hi Israel-lîd’a á lat sundid’a zu?

Ndumba 17:7

Moise mi tchuk tutuguyo ndazina kä avok zandu’â hi Ma didinina kur zlub’ud’a.

Ndumba 2:17

Bugola, adesâ hi suma hi Levi-na a mba i ki zlub’u d’a ngaf tad’a bugol ades ma mbà ma mi i avo’â. A mba i nad’u adezezi adezeziya, nge nge pî ad’u adezem ki drapo mamba.

Ndumba 3:23

Adesâ hi Gerson-na mi ve kang mama bugol zlub’u d’a ngaf tad’a abo ma fladegena.

Ndumba 3:29

Adesâ hi Kehat-na mi ve kang mama bugol zlub’u d’a ngaf tad’a abo ma sutna.

Ndumba 3:35

Ma ngol ma avok adesâ hi Merari-nina ni Suriyel Abihayil goroma. Adesâ hi Merari-na mi ve kang mama bugol zlub’u d’a ngaf tad’a abo ma norâ.

Ndumba 3:38

Moise, Aron azi ki groma a ve zlub’u mazid’a avun zlub’u d’a ngaf tad’a abo ma yorogona. A nga ngom yima a tinim iram vama yam Israel-lâ. Le sama ding ma nga ni ma ngat buzuna d’uo ba, mi hut go á le sun ndata ni, a tchum mbeyo.

Ndumba 31:30

Ad’uzi d’a ar mi Israel-lîd’a, suma dok vahl, ang pat tu; d’uwarâ dok vahl, ang pat tu mi anu, nala, aduk amuzleina, aduk korona, aduk tumiyôna, aduk b’ogeina, aduk d’uwar ma dingâ pet mi, ang yozi hazi mi suma hi Levi suma a tinizi á ngom zlub’ud’a hi an Ma didinid’ina.

Ndumba 31:47

Aduk ahle suma a b’rawazi mi Israel-lîna, suma dok vahl, Moise mi pat aduk tu; d’uwarâ dok vahl, mi pat aduk tu mi d’igi Ma didina mi hum vuna na. Mi hazi mi suma hi Levi suma a nga ngom zlub’ud’a hi Ma didinid’ina.

Ndumba 8:19

An ni he suma hi Levi-na ki zla tazi pet mi Aron azi ki groma aduk Israel-lâ, kayam azi le sunda kur zlub’u d’a ngaf tad’a mi Israel-lâ tala a zlubuzi yam tcho mazid’a d’a. Hina wani, tugud’ei d’a tchod’a mba d’i tum Israel-lâ ata yima azi mba hud’ï go ata yima a tinim iram vamina d’i.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

1 Samuel 6:19

Ma didina mi ngop suma avo Bet-Semes-sâ, kayam azi gol hur zanduk mama; mi tchi suma adigazi dok kid’iziya. Suma a arâ pet a nga tchi tchi ma hohoud’a, kayam Ma didina mi ngobozi heî.