Ndumba 1:51 - Bible azumeina

⁵¹ Fata agi djogogi zlub’ud’id’a, ni suma hi Levi-na ba, a hôt tei ni aziya. Ata yima agi i kagagi kuana, ni suma hi Levi-na ba, a djugud’ot akulo ni azi mi. Le sama ding mi hut go ki sed’ed’u ni, agi tchum mbeyo.

Ndumba 1:51 Kruisverwysings

2 Samuel 6:7

Ma didina hurum zal ngola yam Uza, mi tumum ata yi máma, kayam tcho mamba. Uza mi mit ata yi máma gen zandu’â hAlonina.

Ndumba 10:11

Kur bur ma dok mbàna hi til ma mbàna ma kur biza d’a mbà d’a azi buzugï woi kur Ezipte-d’ina, d’ugula tan ndei yam zlub’u d’a zandu’â hAlonina mi nga kuad’a.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 17:13

Sama lara pî ma mi hut go ki zlub’ud’a hi Ma didinid’ina, mi mit ni mid’a. Ami pet bomi ni woi hina d’ang zu?

Ndumba 17:5

Sama an manama, totogo mamba mba d’i d’uva. Hina wani, an mba ni d’el gureî d’a Israel-lâ a nga guruyôt kagid’a avogonu.

Ndumba 18:22

Ar Israel suma ding a tchila atat a hle tchod’a kazi ba, a bo d’i.

Ndumba 18:3

Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

Ndumba 18:4

Azi mba kak ki sed’engû, a ngom ahlena hi zlub’ud’ina, a lat sunut pet mi. Sama ding mi tchila gevegi d’i.

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Ndumba 3:10

Ang de mi Aron azi ki groma a ngom sun nda ngat buzuna djiviya. Le sana ni ma ngat buzuna d’uo ba, mi dod’u ni, agi tchum mbeyo.

Ndumba 3:38

Moise, Aron azi ki groma a ve zlub’u mazid’a avun zlub’u d’a ngaf tad’a abo ma yorogona. A nga ngom yima a tinim iram vama yam Israel-lâ. Le sama ding ma nga ni ma ngat buzuna d’uo ba, mi hut go á le sun ndata ni, a tchum mbeyo.

1 Samuel 6:19

Ma didina mi ngop suma avo Bet-Semes-sâ, kayam azi gol hur zanduk mama; mi tchi suma adigazi dok kid’iziya. Suma a arâ pet a nga tchi tchi ma hohoud’a, kayam Ma didina mi ngobozi heî.