Ndumba 1:1 - Bible azumeina

¹ Kur bur ma avo’â hi til ma mbàna kur biza d’a mbà d’a bugol buzuk ka azi buzugï woi kur ambas sa Ezipte-d’id’a, Ma didina mi de zlad’a mi Moise abagei hur ful ma Sinai-na kur zlub’u d’a ngaf tad’a ala:

Ndumba 1:1 Kruisverwysings

1 Amuleina 6:1

Salomon mi tin ad’u min gong nga kud’ora hi Ma didinid’a ni kur biza d’a 480 bugol la Israel-lâ a buzuk kei kur Ezipte-d’a; ni kur biza d’a fid’i d’a Salomon mi kak amula yam Israel-lîd’a. Mi tin ad’u sunda ni kur til ma Zif-fâ, nala, til ma mbàna hi biza ndatina.

Buzuk ka Abud’a 19:1

Kur til ma hindi ma Israel-lâ a buzuk kei kur ambas sa Ezipte-d’ina, kur bur máma a mba hur ful ma Sinai-na.

Buzuk ka Abud’a 19:2

Azi tchol Refidim, a mba hur ful ma Sinai-na, a vanguvora hur fulâ, a ve kang mazina ngagad’a yam ahinad’a d’ar.

Buzuk ka Abud’a 25:22

Nata yi máma ba, an mba ni ngavang akulo yam zandu’â vunam ma duka aduk tcherebê suma mbà suma agi tinizi akulo yam zanduk manina. Ni kua ba, an mba ni hang vun man ma hed’a pet ma yam Israel-lîna.

Buzuk ka Abud’a 40:17

Kur bur ma avo’â hi til ma avo’â ma hi biza d’a mbà d’a bugol la azi buzuguzï woi Ezipte-d’ina, a ve zlub’u d’a ngaf tad’a akulo.

Buzuk ka Abud’a 40:2

Kur bur ma avo’â hi til ma avo’îna, ang ve zlub’u d’a ngaf ta d’a a tinit irat vata akulo.

Sunda hi suma hi Levi-nid’a 1:1

Ma didina mi yi Moise kur zlub’u d’a ngaf tad’a, mi dum ala:

Sunda hi suma hi Levi-nid’a 27:34

Wana ni vun ma he ma teteng ma Ma didina mi hum abo Moise mi Israel-lâ yam ahina d’a Sinai-d’ina.

Ndumba 1:18

A tok ablau suma pet kur bur ma avo’â hi til ma mbànina, a b’irizi nad’u adezezi ad’u andjavaziya, a ndumuzi simiyêzi gagang tin ad’ud’a ata suma bizazi dok mbà dok mbàna ki suma bizazi kal dok mbà dok mbàna mi.

Ndumba 12:4

Atogo hina zak Ma didina mi de mi Moise azi ki Aron ki Miriyam ala: Agi buzugugi ki zla tagi d’a hindid’a pet, agi igi avun zlub’u d’a ngaf tad’a. Azi i ki zla tazi d’a hindid’a pet.

Ndumba 9:1

Ma didina mi de zlad’a mi Moise abagei hur ful ma Sinai-na kur til ma avo’â hi biza d’a mbàd’a ma azi buzugï woi kur ambas sa Ezipte-d’ina ala:

Gat ta a hat á mbàd’id’a 1:3

Kur biza d’a dok fid’id’a, kur bur ma avo’â hi til ma dogo yam tunina, Moise mi dahlena pet mi Israel-lâ d’igi Ma didina mi hum vuna á dazizi na.

Gat ta a hat á mbàd’id’a 2:14

Kid’a ei tcholei Kades-Barneya-d’a, ei lei bizad’a ni dok hindi yam klavandi gak ei djagei toliyon nda Zeret-ta. Suma dur ayî suma kur atchogoi ndatina a dap bod’a woi kur kangâ d’igi Ma didina mi gunuzi tam na.

Gat ta a hat á mbàd’id’a 2:7

Kayam Ma didina Alo magina mi b’e vunam kagi yam sun nda pet ta agi nga lata, mi we tit magi d’a abagei hur ful ma ngol ma wanid’a mi. Gola! Bizad’a wan dok fid’i Alo magina mi nga ki sed’egiya. Va tu pî kid’agagi nga d’uo mi.