Nahum 3:6 - Bible azumeina

⁶ An mba ni tchuguk ahle suma zozota kagu, an mba ni mbud’uk ndjendjed’a, an mba ni mbud’uk vama suma a golom tä na mi.

Nahum 3:6 Kruisverwysings

Wana ni mbaktumba hi Job-pa 30:19

Alona mi gan ndei aduk dorbopma, an mbut ni d’igi andaga d’a gugud’upa ki butna na.

Wana ni mbaktumba hi Job-pa 30:8

Azi ni suma lili suma zlazi nga d’uo suma a digizi woi yam ambasa ki tod’ina.

Wana ni mbaktumba hi Job-pa 9:31

ang mba hulong gan kä kur zul la dorbopma, an mba ni mbut ni vama ndjendjed’a ir baru mana.

Jeremi 51:37

Babilon mba d’i mbut ni d’igi ahina d’a mola na, mba d’i mbut ni domina hi hânina, mba d’i mbut ni vama atchapma ki vama sanda, sa mba mi kak kur ruo mi.

Hor ma tchina 3:16

Mi kuzun siyan ndei ki greina, mi rod’on kä aduk butna mi.

Ezekiyel 16:37

Kayam ndata, an nga ni togï buniyôk suma ndak tak lak djivid’a kazina ki suma pet suma ndak huruk vazina ki suma pet suma ndak minizi d’uo na. An mba ni togozï ata yima lara ge pet á durugu, an mba ni fogok ahlena atak keyo, ndak mba d’i arî gandilad’a woi iraziya. Azi mba wak gandila maka woi pid’agi.

Nahum 1:14

Agi suma Ninif-fâ, Ma didina mi he vuna kagi ala: agi mba fagi andjaf ma mi yagi simiyêgina bugol luo d’a. An mba ni yo angus ahle suma tcheta kangus ahle suma agi yorogizi ki kaweinina woi kur gonga halo maginid’a, an mba ni djugot zula kä kagiya, kayam zlagi nga d’uo d’a.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Malatchi 2:3

Gola! An mba ni ngobogi andjavagiya, an mba ni kogi sutna iragiya – sud’o ahle suma agi ngad’andji buzunina; a mba yogi ki sed’em mi.

Malatchi 2:9

An mba ni gologi is, an mba ni mbud’ugi d’igi vama ndak kuo na na avok suma pet, kayam agi ngomogi nga lovot manda d’i, agi kagagi ni ir suma go ata yima agi nga vazi ad’u gat mandina.

1 Korente-na 4:13

Ata yima azi nga de zla d’a tchod’a kamina, ami nga dazi zlad’a ki lulumad’a. Gak ini, a nga golomi ni d’igi djimgilâ hi duniyad’ina na, d’igi vama ndjendjed’a na mi.

1 Korente-na 4:9

Kayam an wala ami ni suma Alona mi tinimi suma a sunuzi suma bugolâ, d’igi suma a kazi sariya d’a matna kazina na. Ami mbud’umi ni d’igi vama lasa na kur duniyad’a pet, ir malaikana, ir suma mi.

Hebre-na 10:33

Bur ma dingâ suma a ngulugiya, a lagi ndaka avok suma mi. Bur ma dingâ agi ni suma suma a lazi ndaka hina na ndrozina mi.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.