Nahum 3:10 - Bible azumeina

¹⁰ Hina pet pî, a im wa magomba, grom suma gureina, a tchazi woi grak lovot ta lara ge pet, a le togina yam mam suma simiyêzi mi nde yinina, a tchuk erdjena kel mam suma nglona pet mi.

Nahum 3:10 Kruisverwysings

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

Wana ni mbaktumba hi Job-pa 6:27

Agi lagi togina yam suma hokuyod’a, agi mbud’ugi buniyôgina ni vama mbut abogina.

Sawal la giled’a 137:8

Ndak Babilon, ndak ka a nga b’lagak keid’a, sama mba mi lak tcho d’a ndak lamizi mi amid’ina, mi le furîd’a!

Sawal la giled’a 137:9

Sama mba mi yo gro’â mi tchazi woi yam ahinad’ina, mi le furîd’a!

Sawal la giled’a 149:8

á djin amulei mazina ki kindjingâ, á ge mazi suma nglona alei ma kaweina asezi

Isai 13:16

A mba tchazi grozi suma tchapona kä woi iraziya, a mba hurum ahle mazina, a mba tchuguzi kur bud’omeina, a mba bur kamiyôzina kad’enga mi.

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 19:4

Salad’a Ma didin ma ad’engêm kal petna mi de kua ala: An mba ni he Ezipte-na abo ma te yam ma asa’atna; amul ma hurum akud’a bibiliuna mba mi te kaziya.

Isai 20:4

Hina mi, amul ma Asiri-na mba mi yo suma Ezipte-na magomba, mba mi yo suma Etiyopi-na azungeîna ki momorogeina magomba. Azi djak a mba tit bei atuguruna aseziya, bei baruna ataziya, huyogozi woi hawa mi. Ni zulo ma ngolâ yam Ezipte-na.

Hor ma tchina 2:19

Ndak tchol akulo, ndak tchi wulula kad’u tinda hi ma ndjol ma avok kikidji ma andjegena, ndak de zla d’a kuruka woi avok Salad’a, ndak yo abok akulo avorom ki tchen nda labiyad’a yam grok suma a nga seî kä ir palumba abo meid’a tetengâ.

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

Ezekiyel 29:7

Kid’a azi vabozi atanga, ang kus seyo, ang hôzi pepelezi ngata hôhô. Kid’a azi deng tazi atanga, ang kus seyo, ang tozi furuzi kä lod’ot.

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Amos 1:13

Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Abdiyas 1:11

Agi tagid’a nga ata yima suma djangûna a kus kazi a i kal avo hatazina, ata yima andjaf ma ding máma mi le togina yam ndjondjoî d’a Jerusalem-mbina, agi lagi d’igi azi na mi.