Nahum 2:4 - Bible azumeina

⁴ Mboriyona hi grang mazi suma djangûnina a ni hleud’a, grang suma durâ a tchuk baru d’a hleu d’a sisila atazi mi. Ata yima azi nga i á durîna, pus mazi ma dur ayîna nga mi wile wiwilik, a nga piget asubiyo mazina mi.

Nahum 2:4 Kruisverwysings

Zla d’a d’ogolâ 31:21

Ti nga d’i le mandara ab’lenga yam suma avo hatatna d’i, kayam a nga ki baru d’a duburok ka b’lenga ataziya.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Jeremi 4:13

Suma a dala: Gola! Ma djangûna nga mi djï d’igi d’ugul la hleï ndundula na, pus mam ma dur ayîna mi djangî d’igi mbirlimba na, akulumei mama a djang kal b’aruna. Ei baya woi d’a; ni zla d’a hohoud’a keya.

Jeremi 46:9

Agi akulumeina, agi igiya! Agi pus ma dur ayîna, agi djangâgi atogo zazak! Ar suma gangrangâ a buzuga! Agi suma Etiyopi-na ki suma Put suma wagi mbareid’a durîna, agi suma Lut suma wagi yet yeûd’ina, agi igiya!

Ezekiyel 23:24

Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a.

Ezekiyel 26:10

Ablaud’a hakulumei mamid’a mba d’i kulubugi kä ki gugumaziya. Gulumun magina mba mi giget abo siwela hi suma djang akulumei mama, abo pusâ ki pus ma dur ayîna ata yima mam mba mi kal avun agrek magina d’igi sana mi kal kur azì ma ngol ma a hluma na na.

Ezekiyel 26:7

Kayam Salad’a Ma didina mi dala: Gola! An nga ni mba ki suma abo ma norâ á dur ki agi suma Tir-râ, nala, Nebukanezar amul ma Babilon-na amulâ hamuleinina kakulumeina ki pus ma dur ayîna ki suma djang akulumeina ki suma ablaud’a mimiyâk mi.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.