Nahum 2:3 - Bible azumeina

³ Kayam Ma didina nga mi hulong subura mi suma hi Jakob-ma d’igi subura hi Israel-lîd’a na, kayam suma hurumba a hurumuzi wa ahle mazina, a kazi abo guguzlu mazid’a woi mi.

Nahum 2:3 Kruisverwysings

Wana ni mbaktumba hi Job-pa 39:23

Ni ang ba, nga pirim d’igi djera na zu? Breî mamba nga d’i le suma mandarâ.

Sawal la giled’a 80:13

Ni kayam me ba, ang hulut kang matna kayambala suma a kalâ pet a hurumud’u d’a ge?

Isai 14:8

Agu siprena kagu sedre ma Liban-na pî, a nga le furîd’a yam zla manga ala: Dedei d’a a zud’ung kä d’a, sama djak atami á kad’ina nga d’i.

Ezekiyel 23:24

Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a.

Ezekiyel 26:7

Kayam Salad’a Ma didina mi dala: Gola! An nga ni mba ki suma abo ma norâ á dur ki agi suma Tir-râ, nala, Nebukanezar amul ma Babilon-na amulâ hamuleinina kakulumeina ki pus ma dur ayîna ki suma djang akulumeina ki suma ablaud’a mimiyâk mi.

Nahum 3:2

Gola! A nga hum tchina hi blafîna, a nga hum tchina habo pusîna, a nga hum tchina habo akulumei suma djangîna, a nga hum djangâ hi pus ma dur ayîna mi.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Zakari 11:2

Ang agu siprena, ang tchi wulula, kayam agu sedrena mi galal lei da’, agu ma djifâ mi b’lak kei da’, ang agu sen ma Basan-na, ang tchi wulula, kayam agu d’a ndindika ti dap pei da’.

Zakari 6:2

Pus ma avo’â akulumei mama a ni hleud’a, pus ma mbàna akulumei mama a ni wurogeid’a,

Vama ndum mbeina 12:3

Vama simat ma dingâ mi tcholï akulo. Gol wani, nambur dragon ma hleuna mi nga ki yamba kid’iziya kadifa dogo, avavala ti nga ata yam tutu pet mi.

Vama ndum mbeina 6:4

Ata yi máma, akulum ma hleuna mi nde woyo. Ma mi nga kama mi nga kad’enga á wet ayîna woi yam andagad’a, kayam suma a tchi taziya. A hum mbigeu d’a fiyak ka ngola abom mi.