Nahum 2:13 - Bible azumeina

¹³ Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Nahum 2:13 Kruisverwysings

2 Amuleina 18:17

Wani kid’a amul ma Asiri-na mi nga Lakis-sa, mi geï ma ngolâ hi azigar mama ki ma kama zlapa ki ma avunama, zlapa ki azigarâ ablaud’a á i Jerusalem. Kid’a azi mba avun azinid’a, a mba tchol avun yima b’irlim ma mbina nga tchola kuana avun lovot ta i kur asine ma suma a mbus baruna kuana.

2 Amuleina 18:19

Ma avun ma ngol ma Asiri-na mi dazi ala: Agi i dagi Ezekiyas ala: Wana ni zla d’a amul ma ngol ma Asiri-na mi data: Vama ang tin hurung kama ni me ge?

2 Amuleina 19:23

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a mbeî.

2 Amuleina 19:9

Ata yi máma Sanakerip mi hum ala Tirhaka amul ma Etiyopi-na mi mba atam á durâ.

2 Sunda Hamuleinid’a 32:19

A nga de zlad’a yam Alo ma Jerusalem-ma d’igi a nga de zlad’a yam alo ma tetengâ hi suma yam andagad’a ma sana mi lum kaboma na.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Jeremi 21:13

Ma didina mi dala: Agi suma Jerusalem suma nga kaka akulo yam ahina d’a yat papana d’a kal hora akulod’ina, an nga ni dur ki sed’egiya. Agi suma nga dagi ala: Ni nge mba mi tchugï asem kä á duri d’oze mi kal ata yi mei ma domina ge na, an nga ni dur ki sed’egiya.

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Jeremi 50:31

Salad’a Ma didin ma ad’engêm kal petna mi dala: Gola! Ndak Babilon nda subur tak heîd’a, gola! An nga ni iza atagu, kayam bur ma’â mi mba da’, ni yima an ngobok kuana.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Ezekiyel 13:8

Ni kayam ndata ba, an Salad’a Ma didina ni dala: Kayamba zla magid’a ni zla d’a hawa yaka, ahle suma a nde tazi iragina ni zla d’a kad’a mi d’a, an nga ni ngobogiya. Ni an Salad’a Ma didina ba, ni de na.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Ezekiyel 26:3

Gola! An nga ni dur ki agi suma Tir-râ, an nga ni mba kandjaf suma ablaud’a atagi á durâ d’igi alum ma ngolâ mi sulul abil mama na.

Ezekiyel 28:22

Ang dum ala: Salad’a Ma didina mi dala: Ang azì ma Sidon-na, an nga ni durungû, an mba ni subur tan kurungû. Fata an kang sariyad’a kanga, suma a mba wala an ni Ma didina, a mba han ngola kurung mi.

Ezekiyel 29:10

ni kayam ndata ba, an nga ni mba á durung kalum mangâ, an mba ni b’lak ambas sa Ezipte-d’a, ni mbud’ut djona, tinï ad’ud’a Mikdol dei gak mba Asuwan ir haga d’a Etiyopi-d’a.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 35:3

Ang dat ala: Salad’a Ma didina mi dala: Gola! Ndak ahina d’a Seir-ra, an nga ni iza atagu, abon nga zid’a akulo kan atagu, an nga ni arak vak wiwir ni mbud’uk fula.

Ezekiyel 38:3

ang dum ala: Salad’a Ma didina mi dala: Ang Gok amul ma ngolâ hi suma Ros-sâ hi suma Mese’â hi suma Tubal-lâ, an nga ni iza atang á durungû.

Ezekiyel 39:1

Ma didina mi dan ala: Ang gor sana, ang djok vuna mi Gok. Ang dum ala: Salad’a Ma didina mi dala: Gola! Ang Gok, amulâ hi suma Ros-sâ hi suma Mese’â hi suma Tubal-lâ, an nga ni iza atang á durâ.

Ezekiyel 5:8

Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ.

Nahum 2:12

Azì ma ngol ma d’igi domina hazlona na na mi mbut ni nana ge? Ni yima azlo ma gureina mi fe te mama kuana. Ata yima azlona mi i nduwandina, sama ndak á mbud’um groma mandarâ kuana nga d’i.

Nahum 3:1

Ni zla d’a hohoud’a yam azì ma ngol ma tchi mat ma nga oîd’a ki zla d’a kad’a ki murud’umba ma nga mi wal ki hurumba d’uo mi na.

Nahum 3:12

Yi mang ma ad’eng ma ngunguna mba mi mbut ni d’igi vud’a tulum ma mi ne na na. Ata yima a gazama, mi ndeï kä avun sama mi min á tuma.

Nahum 3:15

Ata yi máma akud’a mba d’i ngalangû, mbigeu d’a fiyaka mba d’i kang ngeyo, a mba tang d’igi abureina a tahlena na. Ar sum mangâ a zul d’igi abureina na, ar a zul d’igi djera na mi.

Nahum 3:5

Ma didin ma ad’engêm kal petna mi dala: An nga ki zlad’a ki sed’egu, an mba ni yok vun baru maka akulo woi iragu, an mba ni arak gandilad’a woi ir andjaf suma, an mba ni arak zulo ma’â woi ir suma kur leud’ina mi.

Josue 11:6

Ma didina mi de mi Josue ala: Ang lazi mandarazi d’i! Avin aboina hina dedege, an mba ni hangzi abong pet, an mba ni duruzi mbuleina, an mba ni tchazi avok Israel-lâ. Ang mba kazi gigling akulumei mazina, ang mba ngalazi pus mazi ma dur ayîna woi mi.

Josue 11:9

Josue mi le ki sed’ezi d’igi Ma didina mi hum vuna na. Mi ka gigling akulumei mazina, mi ngalazi pus mazi ma dur ayîna woi mi.